جیون کرشنا بھرتی گھوٹالہ کے پیسے سے آلو خریدتا تھا، اور پھر قیمت بڑھنے پر آلو بیچ دیتا تھا، ای ڈی کا دعویٰ

کلکتہ : جیون کرشنا نے نوکری کے نام پر متعدد امیدواروں سے پیسے لیے، پھر وہ پیسے آلو کے کاروبار میں خرچ کیا! اس طرح کے الزامات انفورسمنٹ ڈائریکٹوریٹ کی طرف سے سامنے لائے گئے ہیں۔ ای ڈی نے یہ جانکاری بھی پیش کی ہے کہ نوکری کے نام پرجیون کے کھاتے میں کروڑوں روپے جمع ہوئے ہیں۔ اور اس بار باریان ایم ایل اے کا خطرہ مزید بڑھ سکتا ہے۔ ای ڈی اب ان امیدواروں کو طلب کر رہا ہے جن سے جیون کرشنا نے مبینہ طور پر رقم لی تھی۔ای ڈی ذرائع کے مطابق پہلے مرحلے میں 20 لوگوں کو سی جی او کمپلیکس میں طلب کیا جا رہا ہے۔ ای ڈی انہیں اگلے ہفتے طلب کر رہا ہے۔ ای ڈی کا دعویٰ ہے کہ ایم ایل اے نے تقریباً 100 امیدواروں سے پیسے لیے اور یہ 20 لوگ ان میں شامل ہیں۔ ای ڈی جاننا چاہتا ہے کہ رقم کا لین دین کس کے ذریعے اور کیسے ہوا۔تحقیقاتی ایجنسی نے فہرست تیار کی ہے کہ کتنے امیدواروں نے پیسے دیے۔ اب ای ڈی جاننا چاہتی ہے کہ جیون نے نوکری کے نام پر کتنا پیسہ کمایا۔ ای ڈی پہلے ہی عدالت کو بتا چکی ہے کہ 2010 اور 2015 کے درمیان جیون کرشنا کے اکاﺅنٹ میں 1 کروڑ 20 لاکھ روپے آئے۔ تاہم، ایم ایل اے اس میں سے کسی کو تسلیم نہیں کرنا چاہتا تھا. ان پر تحقیقات میں مناسب تعاون نہ کرنے کا بھی الزام ہے۔ ایم ایل اے کا دعویٰ ہے کہ ان کا خاندانی کاروبار ہے، اور یہ رقم لین دین کے لیے استعمال کی گئی۔

Source: social media