سرکاری ملازمین کو واپس کرنے ہوں گے سوستھ ساتھی اور آیوشمان بھارت کارڈ
مغربی بنگال ہیلتھ اسکیم (ڈبلیو بی ایچ ایس) کے تحت آنے والے سرکاری ملازمین، پنشن یافتگان اور ان کے اہل خانہ کے پاس اگر سوستھ ساتھی یا آیوشمان بھارت کارڈ موجود ہیں، تو انہیں واپس جمع کرنا ہوگا۔ ریاست کے محکمہ? مالیات نے یہ ہدایت جاری کی ہے۔ نبنّا نے ان کارڈوں کو جمع کرانے کے لیے 31 اکتوبر تک کی آخری تاریخ مقرر کی ہے۔
نبنّا کی جانب سے جاری نوٹس میں بتایا گیا ہے کہ جن سرکاری ملازمین یا پنشن یافتگان کے پاس اپنے نام یا اپنے اہل خانہ کے نام پر سوستھ ساتھی یا آیوشمان بھارت کارڈ موجود ہیں، انہیں یہ کارڈ جمع کرانے ہوں گے۔ اس کے ساتھ مقررہ ضوابط کے مطابق ایک اعلانیہ اور کارڈ جمع کرانے کی رسید بھی پیش کرنی ہوگی۔
متعلقہ ملازم جس سرکاری محکمے میں کام کرتا ہے، اس محکمے کے ہیڈکوارٹر میں کارڈ جمع کرانا ہوگا۔ یہ کارروائی 31 اکتوبر تک مکمل کرنی ہوگی۔ متعلقہ اعلیٰ حکام کو ہدایت دی گئی ہے کہ وہ اعلانیے اور اس سے متعلق دستاویزات کی جانچ کریں۔
مقررہ وقت کے اندر کارڈ اور اعلانیہ جمع نہ کرانے کی صورت میں متعلقہ ملازم کے خلاف کارروائی کی جائے گی۔ کارڈ جمع نہ کرانے والے ملازم یا پنشن یافتہ کو مغربی بنگال ہیلتھ اسکیم (ڈبلیو بی ایچ ایس) کے تحت ملنے والی سہولتوں سے محروم ہونا پڑ سکتا ہے۔ اس معاملے کو ضابطہ? اخلاق کی خلاف ورزی تصور کیا جائے گا۔