Kolkata

اساتذہ کے لیے خوشخبری! 15 دنوں میں بقایا ڈی اے کے بل تیار کرنے کی ریاست کی ہدایت

06/08/26

اساتذہ کے لیے خوشخبری! 15 دنوں میں بقایا ڈی اے کے بل تیار کرنے کی ریاست کی ہدایت
سرکاری امداد یافتہ ملازمین کے لیے خوشخبری۔ آخر کار ریاستی حکومت نے ان کا بقایا ڈی اے (مہنگائی بھتہ) ادا کرنے کا عمل شروع کر دیا ہے۔ متعلقہ محکموں کو اگلے 15 دنوں میں بقایا ڈی اے کے بل تیار رکھنے کو کہا گیا ہے۔
بقایا مہنگائی بھتے سے متعلق مقدمے میں سپریم کورٹ کی ہدایت کے مطابق مارچ میں ہی بقایا ڈی اے کا ایک حصہ سرکاری ملازمین کے پراویڈنٹ فنڈ میں بھیجا جا چکا ہے۔ پنشن یافتگان کو بھی بینک اکاو¿نٹ میں رقم مل چکی ہے۔ تاہم سرکاری امداد یافتہ (گرانٹ ان ایڈ) اسکولوں کے اساتذہ و اسکول عملہ، پنچایت، میونسپلٹی کے ملازمین کو وہ بقایا ڈی اے نہیں ملا۔ حکومت کی تبدیلی کے بعد کئی بار اس معاملے پر گفتگو ہوئی لیکن انہیں بقایا مہنگائی بھتہ نہیں ملا۔ ذرائع کے مطابق اب یہ عمل شروع ہو گیا ہے۔ مختلف سرکاری محکموں کے ماتحت آئی ٹی ملازمین (جو تنخواہ اور دیگر انتظامی پورٹلز پر بل جمع کرانے کے ذمہ دار ہیں) کو ہدایت دی گئی ہے کہ ان مخصوص پورٹلز پر اس وقت کوئی دوسرا مالی بقایا بل جمع نہ کروائیں۔ متعلقہ محکموں کو اگلے 15 دنوں میں بقایا ڈی اے کے بل تیار رکھنے کو کہا گیا ہے۔ محکمہ خزانہ کے ذرائع کے مطابق سرکاری خزانے سے جنہیں براہ راست مستقل تنخواہ نہیں ملتی، ایسے امداد یافتہ اداروں کے ملازمین—جیسے سرکاری منظور شدہ اسکولوں کے اساتذہ و عملہ، پنچایت، میونسپلٹی، قانونی بورڈز، کارپوریشنز وغیرہ کے ملازمین—کا 'روپا 2009' کے مطابق طویل مدتی بقایا ڈی اے کی رقم ادا کرنا اب ترجیح ہے۔

Source: Admin