Kolkata

نیو مارکیٹ کے علاقے کے مزید 17 ہوٹلوں کو فائر بریگیڈ کا نوٹس!، 24 گھنٹے میں جواب طلب

21/08/26

نیو مارکیٹ کے علاقے کے مزید 17 ہوٹلوں کو فائر بریگیڈ کا نوٹس!، 24 گھنٹے میں جواب طلب
نیو مارکیٹ کے علاقے کے مزید 17 ہوٹلوں کو فائر بریگیڈ نے نوٹس جاری کیا ہے۔ ان ہوٹلوں میں آگ بجھانے کے انتظامات میں غفلت کی شکایات سامنے آئی ہیں۔ ہوٹل انتظامیہ سے 24 گھنٹے کے اندر جواب طلب کیا گیا ہے۔ اگر تسلی بخش جواب نہ ملا تو ہوٹلوں کو بند بھی کیا جا سکتا ہے۔
منگل کی رات نیو مارکیٹ کے مرزا غالب اسٹریٹ کے ہوٹل 'شکھا ان' میں آگ لگ گئی تھی۔ دھوئیں کے باعث دم گھٹنے سے 9 افراد جاں بحق ہو گئے۔ ان میں سے سات افراد بنگلہ دیشی شہری تھے۔ اس واقعے کے بعد انتظامیہ سخت ہو گئی ہے۔ کلکتہ پولیس کی جانب سے خصوصی تفتیشی ٹیم (ایس آئی ٹی) تشکیل دی گئی ہے۔ انہوں نے ایک شخص کو گرفتار بھی کیا ہے۔ تاہم ہوٹل کے مالک کا ابھی تک پتہ نہیں چل سکا۔ آگ کے اس واقعے سے سبق لیتے ہوئے میونسپل کارپوریشن اور فائر بریگیڈ نے ہوٹلوں پر نگرانی بڑھا دی ہے۔ جمعرات کو مرزا غالب اسٹریٹ کے ہی 9 گیسٹ ہاو¿سز اور 4 ریستورانوں کو نوٹس جاری کیا گیا تھا۔ ان سے بھی 24 گھنٹے میں جواب طلب کیا گیا تھا۔ جمعہ کو اس فہرست میں مزید 17 ہوٹلوں کے نام شامل کر دیے گئے۔

Source: Admin