بردوان2جولائی : مرکزی فورسز نے پورے گھر کو گھیرے میں لے لیا ہے۔ ای ڈی کے افسران موجود ہیں۔ مسلسل تلاش جاری ہے۔ کیوں؟ دراصل مشرقی بردوان کے رینا تھانہ کے کھیمٹا گاوں کے شیخ جنار علی کے خلاف 1.5 کروڑ ٹکا کی دھوکہ دہی کا الزام لگایا گیا ہے۔ مرکزی اہلکار ان کے گھر کی تلاشی لے رہے ہیں۔ حال ہی میں 'قومی انسداد اسمگلنگ کمیٹی' کے چیئرمین شیخ جنار علی پر ایک سنسنی خیز الزام عائد کیا گیا ہے۔ الزام ہے کہ اس نے سی جی او کمپلیکس کا ای ڈی افسر ظاہر کر کے ریت کے ایک تاجر سے ڈیڑھ کروڑ ٹکا وصول کیا ہے۔ اتنا ہی نہیں، شکایت کنندہ ریت کے تاجر کا دعویٰ ہے کہ شیخ جنار نے اسے کئی بار دھمکی دے کر سی جی او کمپلیکس میں حاضر ہونے پر مجبور کرنے کی کوشش کی۔ یہ الزام سامنے آتے ہی پورے علاقے میں سنسنی پھیل گئی۔ اس شکایت کی بنیاد پر دہلی سے مرکزی وزارت خزانہ کی ایک خصوصی تحقیقاتی ٹیم شیخ جناح علی کی رہائش گاہ پر پہنچی۔مرکزی فورسز نے پورے گھر کو گھیرے میں لے لیا۔ وہ گھر میں داخل ہوئے اور مسلسل تلاشی لی۔ اگرچہ تلاشی صبح 7 بجے شروع ہوئی لیکن تفتیشی ٹیم ابھی تک گھر کے اندر ہے۔

Source: Mashriq News service