Kolkata

ٰؓبیمار متھن چکربرتی کو دیکھنے ہسپتال میں وزیر اعلیٰ شوبھندو

07/08/26

ٰؓبیمار متھن چکربرتی کو دیکھنے ہسپتال میں وزیر اعلیٰ شوبھندو
بیمار متھن چکرورتی کی بائی پاس کے کنارے ایک نجی ہسپتال میں اسرجری ہوئی۔ جمعہ کی صبح اداکار کو دیکھنے ہسپتال پہنچے وزیر اعلیٰ شوبھندو ادھیکاری۔ ان کے ہمراہ یادوپور کے ایم ایل اے شرواری مکھرجی اور دیگر تھے۔ اس دن وزیر اعلیٰ نے ڈاکٹروں سے بھی بات کی اور متھن چکرورتی کی طبیعت کی خبر لی۔
کچھ سال قبل ممتا بنرجی کا ساتھ چھوڑ کر متھن چکرورتی بی جے پی میں شامل ہوئے تھے۔ اس پر شدید تنازعہ بھی ہوا۔ تاہم عمر کی پرواہ کیے بغیر چھبیس کے انتخابات میں بی جے پی کی طرف سے بھرپور تشہیر کی۔ متعدد علاقوں میں روڈ شو کیے۔ راستے میں بیمار بھی پڑے، مگر ہمت نہ ہاری۔ تبدیلی کے مقصد کے لیے نکل پڑے۔ مغربی بنگال کے وزیر اعلیٰ کا حلف اٹھانے کے بعد شوبھندو ادھیکاری نیو ٹاو¿ن میں معمر اداکار کے گھر جا کر ملے تھے۔ متھن چکرورتی کے ہسپتال میں داخل ہونے کی خبر ملتے ہی وزیر اعلیٰ آج ان کے پاس دوڑے گئے۔ جمعہ کی صبح چنار پارک کے گھر سے نکل کر سیدھے بائی پاس کے کنارے اس نجی ہسپتال پہنچے شوبھندو۔ متھن چکرورتی سے ملاقات کی۔ دونوں میں کافی دیر بات ہوئی۔ وزیر اعلیٰ نے متھن چکرورتی کی صحت کا حال پوچھا، پھر ڈاکٹروں سے بھی بات کی۔ ہسپتال سے نکل کر وزیر اعلیٰ نے کہا: “وہ بنگال کی دولت ہیں، ان سے سیاسی وابستگی کا کوئی تعلق نہیں۔ تاہم بنگال میں ریاست پرست حکومت کے آنے کے پیچھے مہاگرو کا بہت بڑا کردار ہے۔ ایک چھوٹی سی سرجری ہوئی ہے، وہ ٹھیک ہیں۔” شوبھندو نے خود سوشل میڈیا پرمتھن چکرورتی سے ملاقات کی تصویر بھی پوسٹ کی۔ ہسپتال کے ذرائع کے مطابق ‘مہاگرو’ کے ہاتھ کی سرجری ہوئی ہے، تاہم اب وہ صحت یاب ہیں، ایک دو دن میں انہیں چھٹی مل سکتی ہے۔

Source: Admin