بی جے پی نے ہندستان کی خارجہ پالیسی کو برباد کردیا:اکھلیش

لکھنو:یکم ستمبر:سماج وادی پارٹی(ایس پی)سربراہ اکھلیش یادو نے چین سے محتاط رہنے کا مشورہ دیتے ہوئے الزام لگایا کہ بی جے پی ۔ آر ایس ایس نے ہندوستان کی خارجہ پالیسی کو برباد کردیا ہے جس کا نتیجہ ہے کہ دنیا کے تمام دوست ممالک نے ہندستان کا ساتھ چھوڑ دیا ہے ۔ چین کے سنگھائی میں ایس سی او سمٹ کے دوران وزیر اعظم نریندر مودی کی چینی صدر شی جن پنگ کی ملاقات کے حوالے سے تنقید کرتے ہوئے انہوں نے کہا کہ چین توسیع پسند ممالک ہے ۔ تبت ہڑپ لینے کے بعد اب وہ اروناچل، لییہ، لداخ میں بھی پیر پسارنا چاہتا ہے ۔ اس کی ان چالوں کی وجہ سے اس پر ذرا بھی بھروسہ نہیں کیا جاسکتا ہے کہ وہ نیک نیتی سے ہندوستان کا ساتھ دے گا۔ انہوں نے کہا کہ بی جے پی-آر ایس ایس نے ہندستان کی خارجہ پالیسی کو تباہ کر دیا ہے ۔ دنیا کے تمام دوست ممالک اسے چھوڑ چکے ہیں۔ انہوں نے کہا کہ آپریشن سندور کے دوران ہمسایہ ممالک بھی ہندستان کے ساتھ کھڑے نہیں ہوئے جب کہ چین حملہ آور پاکستان کی ہر طرح سے مدد کر رہا ہے ۔ امریکہ جس کے ساتھ ہماری بڑی دوستی تھی اس نے تجارت پر 50 فیصد ٹیرف لگا دیا ہے اور مزید سخت اقتصادی پابندیاں لگانے کی دھمکی بھی دی ہے ۔ خوفزدہ بی جے پی حکومت نے اب چین میں پناہ مانگی ہے ، جس کا ٹریک ریکارڈ ہمیشہ ہندستان دشمنی کا رہا ہے ۔ یادیو نے کہا کہ ہم نے 1962 میں ہندی چینی بھائی بھائی کے نعرے کے نتائج دیکھے ہیں، اس جنگ میں 4000 ہندوستانی فوجی افسران پکڑے گئے تھے ۔ ان پر بہت تشدد کیا گیا۔ اس سے پہلے 1950 میں چین نے تبت پر قبضہ کیا تھا۔ انہوں نے کہا کہ چین کی نظر ہمیشہ ہندستانی سرزمین پر رہی ہے ۔ اس نے رجنگلہ میں ہندستان کی جنگی یادگار کو توڑ دیا۔ اس نے فائیو فنگر چھین لئے ۔ اس نے پینگونگ جھیل پر قبضہ کر لیا۔ ہزاروں مربع میل ہندستانی زمین اس کے قبضے میں ہے ۔ چین بھارت کے اروناچل پردیش کے ایک بڑے حصے پر اپنا دعویٰ بھی کرتا ہے ۔ اس نے وادی گلوان اور دیگر اہم فوجی علاقوں میں اپنی عسکری سرگرمیاں نہیں روکی ہیں۔ ایسے میں بی جے پی حکومت کے اس بیان کا کیا مطلب ہے کہ نہ کوئی داخل ہوا تھا اور نہ ہی کوئی داخل ہوا ہے ۔ پھر دونوں ممالک بات کیوں کر رہے ہیں؟ انہوں نے کہا کہ چین امریکہ کے معاشی دبا¶ کے سامنے خود کو بے بس پا رہا ہے ۔ بھارت کے کاروباری اداروں پر بندش کی تلوار لٹک رہی ہے ۔ برآمدات رک گئی ہیں۔ درآمدات بہت مہنگی ہو گئی ہیں۔ انہوں نے کہا کہ ہندستان امریکہ کے ساتھ تجارت میں فائدہ اٹھا رہا ہے جبکہ چین کے ساتھ تجارت میں بھارت کو نقصان ہو رہا ہے ۔ ہندستانی منڈیاں پہلے ہی چینی سامان سے بھری ہوئی ہیں۔اب نئی ڈیل کے ساتھ ہی ہندستانی مارکیٹ پر چین کا مکمل کنٹرول ہوگا۔ چینی اشیاءکی درآمد بڑھ رہی ہے ۔ ہندستانی صنعتوں کا انحصار چین پر ہے ۔ ایسے میں سودیشی کا عزم کتنا معنی رکھ پائے گا۔ یادو نے کہا کہ اگر ہم ہندستان اور چین کے تعلقات کی حقیقت کو ذہن میں رکھیں تو ہندستان کو چین کے ساتھ تجارت میں کوئی بڑا فائدہ نہیں ہونے والا ہے ۔ ہم خام مال کی دستیابی کے لیے اس پر انحصار کرتے ہیں۔ تزویراتی شعبے میں تسلط قائم کرنے کے بعد، چین تجارت کے شعبے میں بھی ہندستان کو کمزور کرنے میں کوئی کسر نہیں چھوڑے گا۔

Source: uni news