حادثے میں بھائی کی موت، پوسٹ مارٹم سے پہلے بے جان ہاتھوں پر آخری بار راکھی باندھی بہن نے
جمعرات کو ساگنک سین اور شونک بھٹاچاریہ نامی دو نوجوانوں سمیت کل پانچ نوجوان باروئی پور سے واپس آ رہے تھے۔ وہ دونوں یادو پور کے رہائشی تھے۔ پولیس ذرائع کے مطابق، چوہاٹی کے قریب ایک اسکول کے سامنے گاڑی کا کنٹرول ختم ہو گیا۔ گاڑی ایک درخت سے ٹکرا گئی۔ گاڑی میں کل پانچ افراد سوار تھے۔ حادثے میں دو افراد کی موقع پر ہی موت ہو گئی۔ شدید زخمی حالت میں تین دیگر ہسپتال میں زیر علاج ہیں۔ ان کی عمریں 20 سے 25 سال کے درمیان ہیں۔
جمعہ کی دوپہر کو لاشوں کو پوسٹ مارٹم کے لیے بھیجا گیا۔ اس سے پہلے ایک دلی دہلا دینے والا منظر سب نے دیکھا۔ ساگنک کی بہن نے اپنے بھائی کو آخری بار راکھی باندھی۔ بھائی کے بے جان ہاتھ پر راکھی باندھتے ہوئے وہ رونے لگیں۔ یہ منظر دیکھ کر وہاں موجود بہت سے لوگوں کی آنکھوں میں آنسو آ گئے۔ روتے ہوئے بہن کا چیخنا، "آخری راکھی باندھ دی۔ اب کبھی راکھی نہیں باندھ پاو¿ں گی تجھے!" دوسری طرف، سونار پور تھانے کی پولیس حادثے کے اسباب کی چھان بین کر رہی ہے۔ تفتیش کاروں نے بتایا کہ گاڑی کم از کم 100 کلومیٹر فی گھنٹہ کی تیز رفتاری سے چل رہی تھی۔ ممکنہ طور پر اسی وجہ سے گاڑی حادثے کا شکار ہوئی۔ حادثے کے وقت ڈرائیور اور مسافر نشے میں تھے یا نہیں – اس کی بھی جانچ کی جا رہی ہے۔