لاپتہ ہونے کے بعد کمسن لڑکی کی لاش برآمد، عاشق اور اس کے اہل خانہ پر قتل کا شبہ
عاشقہ کو قتل کرکے لاش بوری میں بند کر کے موٹر سائیکل پر لے جانے کے واقعے کی بازگشت ختم ہونے سے پہلے ہی پ±رولیا میں ایک اور کمسن لڑکی کی مشتبہ موت کو لے کر ہنگامہ برپا ہوگیا۔ ہفتے کی صبح پ±رولیا مضافاتی تھانہ علاقے سے 16 سالہ کمسن لڑکی کی لاش برآمد ہوئی۔
اہل خانہ کا الزام ہے کہ ان کی بیٹی کو پڑوس میں رہنے والے نابالغ عاشق اور اس کے گھر والوں نے قتل کیا ہے۔ لڑکی کے چچا نے کہا، ”رات سے لڑکی لاپتہ تھی۔ ہم نے تلاش بھی کی، لیکن کوئی سراغ نہیں ملا۔ بعد میں اسے مردہ حالت میں پایا گیا۔“ ان کا دعویٰ ہے، ”ہمیں معلوم ہوا کہ مقامی ایک کمسن لڑکے کے ساتھ لڑکی کا تعلق تھا۔ وہ اسی کے گھر ٹیوشن پڑھنے جاتی تھی۔ لیکن بعد میں اس نے وہاں پڑھنے جانے سے انکار کر دیا تھا۔ ہمارا اندازہ ہے کہ لڑکی کو قتل کیا گیا ہے۔ حکومت سے درخواست ہے کہ ہمیں صحیح انصاف ملے۔“
اہل خانہ کے مطابق لڑکی ہفتے کی صبح تقریباً 3 بجے سے لاپتہ تھی۔ اس کے بعد ان کے ہی ایک خالی مکان سے لڑکی کی لاش برآمد ہوئی۔ اس کے گلے میں دوپٹہ لپٹا ہوا تھا۔
اس واقعے کے بعد صبح سے ہی پورے علاقے میں سوگ کی فضا ہے۔ پ±رولیا مضافاتی تھانے کی پولیس موقع پر پہنچی اور لاش برآمد کرکے پوسٹ مارٹم کے لیے پ±رولیا میڈیکل کالج بھیج دی۔ پولیس نے بتایا کہ پوسٹ مارٹم رپورٹ آنے کے بعد ہی موت کی اصل وجہ معلوم ہو سکے گی۔ فی الحال غیر فطری موت کا مقدمہ درج کرکے پولیس نے واقعے کی تفتیش شروع کر دی ہے۔ تاہم پولیس ذرائع کے مطابق کمسن لڑکی کے اہل خانہ کے الزامات کی بھی جانچ کی جا رہی ہے۔
اتفاق سے چند روز قبل اسی پ±رولیا میں ایک نوجوان کو اپنی عاشقہ کو قتل کرنے کے بعد اس کی لاش بوری میں بھر کر موٹر سائیکل پر لے جاتے ہوئے گرفتار کیا گیا تھا۔ پولیس ذرائع کے مطابق مذکورہ نوجوان اپنی عاشقہ کی لاش موٹر سائیکل پر لے کر تقریباً تین سے چار گھنٹے تک ادھر ا±دھر گھومتا رہا تھا۔ گزشتہ ہفتے ہفتے کی دیر رات اسے بلرام پور تھانے کی پولیس نے گرفتار کیا تھا۔