Kolkata

ایشین گیمز کی چیمپئن سواپنا برمن نے ایتھلیٹکس سے ریٹائرمنٹ کا اعلان کر دیا

01/08/26

ایشین گیمز کی چیمپئن سواپنا برمن نے ایتھلیٹکس سے ریٹائرمنٹ کا اعلان کر دیا ایشین گیمز میں سونے کا تمغہ جیتنے والی ہندوستان کی پہلی ہیپتھلیٹ (سات کھیلوں کی کھلاڑی) سواپنا برمن نے جمعہ کو ایتھلیٹکس سے ریٹائرمنٹ کا اعلان کر دیا، جس سے ایک ایسے کیریئر کا پردہ گر گیا جس نے بار بار آنے والی چوٹوں اور ذاتی مشکلات کے باوجود لاکھوں لوگوں کو متاثر کیا۔29 سالہ ارجنا ایوارڈ یافتہ، جنہوں نے 2018 میں جکارتہ میں ایشین گیمز میں خواتین کی ہیپتھلون میں سونے کا تمغہ جیت کر تاریخ رقم کی، نے کہا کہ یہ فیصلہ ان کی زندگی کے سب سے مشکل فیصلوں میں سے ایک تھا۔ سواپنا برمن نے اپنے سرکاری سوشل میڈیا پیج پر لکھا، "آج (جمعہ) بھاری دل کے ساتھ، میں ایتھلیٹکس سے اپنی ریٹائرمنٹ کا اعلان کرتی ہوں۔ یہ میری زندگی کے سب سے مشکل فیصلوں میں سے ایک ہے۔ ایتھلیٹکس میرے لیے محض ایک کھیل سے زیادہ رہا ہے – یہ میری پہچان، میرا جذبہ، میرا خواب اور بے شمار قربانیوں، جدوجہد، آنسوو¿ں اور ناقابل فراموش یادوں سے بھرا ایک سفر رہا ہے۔"انہوں نے مزید کہا، "جس چیز سے آپ پوری زندگی محبت کرتے رہے ہیں، اس سے دور جانا کبھی آسان نہیں ہوتا۔ میرا دل اب بھی مقابلہ کرنا چاہتا ہے، چھلانگ لگانا اور اپنے خوابوں کا پیچھا کرنا چاہتا ہے، لیکن مجھے قبول کرنا ہوگا کہ میری زندگی کا یہ باب ختم ہو گیا ہے۔

Source: Admin