Kolkata

پاکستانی جاسوس رانا کے ایک اور ساتھی کو رشڑاسے گرفتار

19/08/26

پاکستانی جاسوس رانا کے ایک اور ساتھی کو رشڑاسے گرفتار
پاکستانی جاسوس رانا رو¿ف کا ایک اور ساتھی گرفتار۔ ہوگلی کے رِشڑہ سے اس نوجوان کو ریاستی پولیس کی ایس ٹی ایف نے گرفتار کیا۔ گرفتار شخص کا نام جعفر شام عرف سنی ہے۔ یہ سنی رانا کی کیسے مدد کرتا تھا؟ کیا گرفتار نوجوان بھی ہینڈلر کے طور پر کام کرتا تھا؟ یا اس کا سلیپر سیل کے طور پر کردار تھا؟ تفتیش کار اس پہلو کی جانچ کر رہے ہیں۔
گزشتہ ۱۲ اگست کو شمالی ۲۴ پرگنہ کے ہابرہ سے رانا رو¿ف عرف وہاب عالم کو گرفتار کیا گیا تھا۔ گرفتار نوجوان پاکستانی جاسوس تنظیم آئی ایس آئی سے تعلق رکھنے والے عسکریت پسند گروہ سے منسلک پایا گیا ہے۔ اگرچہ رانا پاکستان کا شہری ہے، اس نے کلکتہ میں طویل عرصے سے اڈہ بنا رکھا تھا۔ کلکتہ کے علاقے تپسیا میں جعلی آدھار اور ووٹر کارڈ بنا کر وہ رہائش پذیر تھا۔ ابتدائی طور پر تفتیش کاروں کو معلوم ہوا ہے کہ رِشڑہ سے گرفتار سنی کا گھر بھی تپسیا علاقے میں ہے۔ پولیس کی کارروائی شروع ہوتے ہی وہ تپسیا سے فرار ہو کر رِشڑہ میں چھپ گیا۔ خفیہ اطلاع پر ایس ٹی ایف نے چھاپہ مارا۔ رانا سے پوچھ گچھ کرکے کئی اہم معلومات حاصل کی گئی ہیں۔ رانا نیپال کے راستے مغربی بنگال آیا تھا۔ سنی نے رانا کی مدد کی تھی۔ صرف یہی نہیں، رانا 'نیٹ ورکنگ سیل' بنانے کا کام کر رہا تھا۔ اس سیل کو مزید منظم اور مضبوط بنانے میں سنی رانا کی مدد کرتا تھا۔ بلکہ اس نوجوان نے رانا کو ہاوڑہ کی ایک فیکٹری میں نوکری بھی دلوائی تھی! یہ سنی عسکریت پسند تنظیم سے کتنا گہرا تعلق رکھتا ہے؟ تفتیش کار اسی پہلو کی جانچ کر رہے ہیں۔ رانا کے تین ساتھیوں کو ایس ٹی ایف نے اب تک گرفتار کر لیا ہے۔ یہ جال کتنا وسیع ہے؟ تفتیش کار یہی معلومات حاصل کرنا چاہتے ہیں۔

Source: Admin