Kolkata

زمینی تنازع میں3 افراد کا قتل ، باپ بیٹا ہلاک، ماں کی حالت تشویشناک

21/07/26

زمینی تنازع میں3 افراد کا قتل ، باپ بیٹا ہلاک، ماں کی حالت تشویشناک نیو ٹاون میں خوفناک قتل! باپ اور بیٹے کو کاٹ کر 'قتل' کر دیا۔ ماں تشویشناک حالت میں ہسپتال میں زیر علاج ہے۔ منگل کی دوپہر یہ واقعہ نیو ٹاو¿ن میں پیش آیا۔ ابتدائی تفتیش میں قیاس کیا جا رہا ہے کہ زمینی تنازع کی وجہ سے تیز دھار اسلحے سے کاٹ کر قتل کیا گیا۔ واقعے میں کئی افراد کو حراست میں لے کر بندھن نگر کمشنریٹ کی پولیس نے تحقیقات شروع کر دی ہیں۔ پولیس اور مقامی ذرائع کے مطابق، مقتول باپ کا نام مظفر میستری عرف منا ہے۔ عمر 55سال۔ بیٹا باپی میستری، عمر 26سال۔ بتایا جا رہا ہے کہ نیو ٹاو¿ن کے پاتھر گھاٹا میں میستری خاندان میں ایک زمین کو لے کر طویل عرصے سے تنازع تھا۔ اس زمین پر تعمیرات جاری تھیں۔ منا اور ان کے خاندان نے اس میں رکاوٹ ڈالی۔ الزام ہے کہ اس دوران دوسری پارٹی کے کئی افراد تیز دھار اسلحہ لے کر منا کے خاندان پر حملہ آور ہوئے۔ اندھا دھند وار کیے گئے۔ منا، ان کے بیٹے اور بیوی زخمی ہو گئے۔ جب وہ زمین پر گر گئے تو انہیں بندھن نگر سب ڈویڑن ہسپتال لے جایا گیا۔ وہاں ڈاکٹروں نے باپ اور بیٹے کو مردہ قرار دیا۔ خاتون کی حالت تشویشناک ہے۔ وہ زیر علاج ہیں۔ واقعے کی اطلاع ملتے ہی بندھن نگر پولیس کمشنریٹ کی پولیس موقع پر پہنچ گئی۔ اعلیٰ افسران بھی پہنچ گئے ہیں۔ کئی افراد کو حراست میں لے کر پوچھ گچھ شروع کر دی گئی ہے۔ علاقے میں ہیجان ہے۔ بھاری پولیس تعینات ہے۔ لاشوں کو پوسٹ مارٹم کے لیے بھیج کر تحقیقات شروع کر دی گئی ہیں۔

Source: Admin