نندی گرام: کوآپریٹو انتخابات میں بھاری فرق سے جیتنے کے ایک ہفتے کے اندر مشرقی مدنی پور کے نندی گرام میں مبینہ طور پر دو ترنمول کارکنوں کا قتل کر دیا گیا۔ اس واقعہ میں بی جے پی کے دو کارکنوں کو گرفتار کیا گیا ہے۔ پولیس نے انہیں اڈیشہ سے گرفتار کیا۔ ملزمان چندن داس اور راجکمار منڈل ہیں۔حال ہی میں نندی گرام میں شریکند منڈل عرف بشنوپد منڈل کے قتل کے الزامات لگے تھے۔ گھر میں گھس کر تیز دھار ہتھیار سے گلا کاٹ کر قتل کر دیا۔ اس واقعہ کے ایک ہفتہ کے اندر ترنمول کانگریس کے ایک اور کارکن مہادیو سری سائی (بلا) کا قتل کر دیا گیا۔ دونوں معاملات میں بی جے پی کا نام شامل ہے۔ یہ پہلا موقع ہے کہ ان دو قتلوں کے سلسلے میں کسی کو گرفتار کیا گیا ہے۔ چندن داس کو وشنوپد کے قتل کے الزام میں گرفتار کیا گیا ہے۔ تاہم سری سائی کے قتل کے سلسلے میں کسی کو گرفتار نہیں کیا گیا ہے۔ پولیس ذرائع کے مطابق چندن داس نندی گرام کے گاوں کالی چرن پور کا رہنے والا ہے۔ دوسری طرف راجکمار جلپائی گاوں نمبر 7 کا رہنے والا ہے۔ دریں اثنائ اپوزیشن لیڈرشوبھندو ادھیکاری نے دعویٰ کیا کہ پولیس نے چندن کو اڈیشہ سے گرفتار کیا ہے۔

Source: Mashriq News service