مرشد آباد6مئی : مقتول کے اہل خانہ نے جعفرآباد، دھولیان، مرشد آباد میں ہوئے قتل کی سی بی آئی تحقیقات کا مطالبہ کرتے ہوئے کلکتہ ہائی کورٹ سے رجوع کیا۔ ہائی کورٹ کے سنگل بنچ نے اس شکایت میں مداخلت نہیں کی۔ جسٹس تیرتھنکر گھوش نے کہا کہ چونکہ دھولیان سے متعلق تمام معاملات پہلے سماعت کے لیے ڈویڑن بنچ کے پاس بھیجے گئے ہیں، اس لیے یہ کیس بھی چیف جسٹس کو بھیجا جا رہا ہے۔ مرشد آباد میں حال ہی میں ترمیم شدہ وقف ایکٹ کے مسئلہ پر تشدد دیکھنے میں آیا۔ اس واقعے میں ہرگوبند داس اور چندن داس کی موت ہو گئی۔ بی جے پی کا دعویٰ ہے کہ انہوں نے سیکورٹی وجوہات کی بنا پر ڈھولیاں میں متوفی کے اہل خانہ کو بدھ نگر سیف ہاو¿س میں رکھا۔ مبینہ طور پر اتوار کی رات کی تاریکی میں بدھ نگر ایسٹ پولیس اسٹیشن کے 40 پولیس اہلکاروں نے دروازہ توڑ کر دو خاندانوں کے افراد کو لے جانے کی کوشش کی۔ پولیس کا دعویٰ ہے کہ انہیں اغوا کیا گیا تھا۔ تاہم ڈھولیاں کے اہل خانہ کا دعویٰ ہے کہ اغوا کا کوئی واقعہ پیش نہیں آیا۔ وہ اپنی مرضی سے وہاں آئے ہیں۔ انہوں نے اس واقعہ کو لے کر پیر کو ہائی کورٹ سے رجوع کیا۔ انہوں نے پولیس پر حد سے زیادہ متحرک ہونے کا الزام لگایا۔ انہوں نے سی بی آئی تحقیقات کا بھی مطالبہ کیا۔

Source: Mashriq News service