کولکتہ20مارچ : سی بی آئی نے آر جی کار کے چیسٹ میڈیسن ڈپارٹمنٹ سے 4 نرسوں کو طلب کیا ہے۔ ایجنسی نے واقعے کے روز ڈیوٹی پر موجود سات نرسوں کو طلب کیا تھا۔ چار نرسیں آج پوچھ گچھ کے لیے پیش ہوئیں۔ ان میں سے ایک شمپا داس ہیں۔ شمپا داس کے موبائل فون پر ایک ویڈیو کو لے کر کافی قیاس آرائیاں کی جا رہی تھیں۔تلوتما کے والدین نے شروع سے ہی شکایت کی تھی کہ سی بی آئی نے تحقیقات سنبھالنے کے بعد اس رات ڈیوٹی پر موجود تمام نرسوں اور ڈاکٹروں سے صحیح طریقے سے پوچھ گچھ نہیں کی۔ ان کا کہنا تھا کہ وہ اس رات کے بارے میں بہت کچھ جانتے ہیں۔ یہ بہت ضروری ہے کہ ان کے بیانات کو زیر تفتیش لایا جائے۔ ذرائع کے مطابق کئی آن ڈیوٹی اہلکار جو تحریک میں براہ راست شامل تھے یا جنہوں نے حمایت کا اظہار کیا انہوں نے بھی اس نرس شمپا داس کا نام بتایا۔ ذرائع کے مطابق شمپا داس نے اپنے قریبی حلقے کو بتایا کہ ان کے پاس اس رات کی ایک ویڈیو تھی، جسے انہیں ڈیلیٹ کرنے پر مجبور کیا گیا۔ اس بارے میں کافی قیاس آرائیاں کی جا رہی ہیں۔ تحریک کے دوران بہت سے لوگوں نے ان تک پہنچنے کی کوشش کی اور مبینہ طور پر ان کے گھر تک گئے۔ لیکن اس نے ہمیشہ اپنے آپ کو پوشیدہ رکھا۔

Source: Mashriq News service