کمار گنج 7جولائی : کمار گنج میں ایک لاپتہ نابالغ کی لاش برآمد ہونے سے سنسنی پھیل گئی۔ اہل خانہ نے عصمت دری اور قتل کی شکایت درج کرائی تھی۔ پولیس نے مقتول کے میسو کو قتل میں ملوث ہونے کے شبہ میں گرفتار کر لیا ہے۔ اگرچہ اہل خانہ نے اسے عصمت دری اور قتل قرار دیا ہے لیکن پولیس کا دعویٰ ہے کہ نابالغ کو گلا دبا کر قتل کیا گیا ہے۔ کپڑوں کے رنگ سے نابالغ کے قتل میں قاتل کی شناخت ہوگئی۔ کمار گنج تھانے کی پولیس نے پیر کی رات نابالغ کے میسو کو گرفتار کر لیا۔ گرفتار شخص کا نام بیجوئے کسکو ہے۔ وہ کمار گنج تھانہ علاقہ میں رہتا ہے۔ منگل کو گرفتار شخص کو 14 دن کی پولس تحویل کی درخواست کے لیے بلورگھاٹ ڈسٹرکٹ کورٹ میں پیش کیا گیا۔ پولیس نے بتایا ہے کہ نابالغ کو پرانے جھگڑے کی وجہ سے قتل کیا گیا ہے۔ نابالغ کو گلا دبا کر قتل کر کے تالاب میں پھینک دیا گیا۔ ضلع پولیس کے سپرنٹنڈنٹ چنموئے متل نے منگل کی سہ پہر بلورگھاٹ پولیس اسٹیشن میں ایک پریس کانفرنس کی۔ ایڈیشنل سپرنٹنڈنٹ آف پولیس (دیہی) اندرجیت سرکار، ڈی ایس پی ٹریفک بلبومنگل ساہا اور دیگر پولیس افسران بھی موجود تھے۔ کمار گنج پولس تھانہ یہ بھی جانچ کر رہا ہے کہ آیا اس واقعہ میں کوئی اور ملوث ہے یا نہیں۔ پیر کی سہ پہر پوسٹ مارٹم کے بعد لاش لواحقین کے حوالے کر دی جائے گی۔

Source: Mashriq News service