Kolkata

جنوبی بنگال میں گرج چمک کے ساتھ بارش

22/07/26

جنوبی بنگال میں گرج چمک کے ساتھ بارش کولکاتا سمیت جنوبی بنگال کے تمام اضلاع میں گرج چمک کے ساتھ بارش کی پیش گوئی ہے۔ اس کے ساتھ تیز ہوائیں چلیں گی۔ تاہم شمالی بنگال میں فی الحال موسمی خرابی کم ہو جائے گی جیسا کہ علی پور موسمیات دفتر نے بتایا ہے۔ البتہ کہیں کہیں پر چھٹپٹ طوفانی بارش ہو سکتی ہے۔ علی پور موسمیات دفتر کی طرف سے دی گئی معلومات کے مطابق، بدھ کو جنوبی بنگال کے تمام اضلاع میں معمولی بارش کا امکان ہے۔ اس کے ساتھ 30سے 40 کلومیٹر فی گھنٹہ کی رفتار سے تیز ہوائیں چل سکتی ہیں۔ شمالی اور جنوبی24 پرگنہ میں شدید بارش کی پیش گوئی موسمی دفتر نے کی ہے۔ تمام اضلاع میں پیلا انتباہ جاری کیا گیا ہے۔ جمعہ تک جنوبی بنگال میں موسمی تبدیلی کا امکان کم ہے۔ ہفتہ سے کولکاتا سمیت جنوبی بنگال کے بعض اضلاع میں بارش کی مقدار کم ہو سکتی ہے۔

Source: Admin