کلکتہ 21فروری: کلکتہ ہائی کورٹ نے پارتھو چٹرجی کی ضمانت کے معاملے میں انفورسمنٹ ڈائریکٹوریٹ (ای ڈی) سے رپورٹ طلب کی ہے۔ منگل کو جسٹس تیرتھنکر گھوش کی بنچ میں اس کیس کی سماعت ہوئی۔ اس سماعت میں جج نے ای ڈی کے اسپیشل ڈائریکٹر سے اس معاملے میں رپورٹ پیش کرنے کی ہدایت دی ہے۔ رپورٹ 27 فروری کو پیش کرنے کا حکم دیا گیا ہے۔ ریاست کے سابق وزیر تعلیم کو ای ڈی نے اساتذہ کی بھرتی کرپشن معاملے میں گرفتار کیا تھا۔ 22 جولائی 2022 کو مرکزی تفتیشی ایجنسی نے پارتھو چٹرجی کے گھر پر تلاشی کی کارروائی کی۔ انہوں نے پورے دن کی پوچھ گچھ کے بعد انہیں گرفتار کرلیا۔ پارتھو چٹرجی نے گرفتاری کے 13 ماہ بعد کلکتہ ہائی کورٹ میں ضمانت کی درخواست دائر کی تھی۔ لیکن ای ڈی نے ضمانت کی مخالفت کرتے ہوئے ہائی کورٹ میں جوابی اپیل دائر کی۔ جسٹس تیرتھنکر گھوش کی بنچ میں پارتھو چٹرجی کی ضمانت کے معاملے کی سماعت شروع ہوئی۔ اس معاملے میں پہلی سماعت گزشتہ سال 6 ستمبر کو ہوئی تھی۔ لیکن ای ڈی نے سماعت کی تاریخ ملتوی کرنے کی درخواست کی۔ جج نے ای ڈی کی درخواست پر سماعت کی تاریخ بھی ایک ماہ کے لیے ملتوی کر دی ہے۔ اس کے بعد مختلف وجوہات کی بنا پر سماعت کئی بار ملتوی کی گئی۔ پارتھو چٹرجی اس وقت پریذیڈنسی جیل میں ہے۔ نچلی عدالت ان کے خلاف ای ڈی اور سی بی آئی کی طرف سے لگائے گئے الزامات کی بھی سماعت کر رہی ہے۔ پارتھو چٹرجی پہلے بھی کئی مرتبہ ضمانت کی درخواست دے چکے ہیں۔ لیکن ان کی درخواست کو منظور نہیں کیا گیا۔پارتھو چٹرجی نے بارہا دعویٰ کیا ہے کہ ان کے خلاف کوئی ثبوت نہیں ملا ہے۔ ان کا کرپشن سے کوئی تعلق نہیں ہے۔ اس لیے انہیں ضمانت دی جائے۔ سابق وزیر تعلیم نے ہائی کورٹ میں اسی دعوے پر ضمانت کی درخواست دی۔ ہائی کورٹ نے منگل کو کیس کی سماعت کے دوران ای ڈی سے رپورٹ طلب کی ہے۔

Source: uni news service