کولکاتا14جون :صبح 7 بجے ایک ڈرامائی واقعہ رونما ہوا۔ پولیس سڑک پر چوکیاں لگا کر انتظار کر رہی ہے۔ دوسری جانب بدمعاش جنگل میں فرار ہو گئے۔ وہ پیسوں سے بھرے تھیلے لے کر غائب ہو گئے۔ کل جمعہ کی رات میناگوری میں دو اے ٹی ایم سے بدمعاش 54 لاکھ روپے لوٹ کر فرار ہو رہے تھے۔ پولیس ان پر شک کرنے کے باوجود انہیں نہیں روک سکی۔ آنکھوں میں دھول ڈال کر بھاگ گئے۔ہفتہ کی صبح پولیس نے جلپیش موڑ علاقے میں ایک کار کو بہت تیز رفتاری سے چلتے ہوئے دیکھا۔ اس کے بعد پولیس نے اس کا پیچھا کیا۔ اسی دوران پولیس کو اے ٹی ایم ڈکیتی کی خبر ملی۔ لیکن پولیس گاڑی کو نہ روک سکی۔ گاڑی فلمی انداز میں سلی گوڑی کی طرف بڑھنے لگی۔ پولیس نے رات کے وقت تمام سڑکوں پر پہرے بٹھا دئیے۔ اسی دوران گاڑی غزالڈوبہ کی طرف چلی گئی۔ صورت حال کو بھانپتے ہوئے بدمعاش پیسوں کے چار تھیلے لے کر جنگل میں گھس گئے۔ پولیس نے گاڑی روک لی، لیکن کسی کو پکڑ نہ سکی۔ پولیس اور محکمہ جنگلات نے جنگل میں تلاش شروع کر دی ہے۔ معلوم ہوا ہے کہ میناگوری تھانہ کے باول باری علاقے میں ایک ہی گھر میں دو اے ٹی ایم ہیں۔ بتایا جاتا ہے کہ ان دو اے ٹی ایم کو توڑ کر لوٹ لیا گیا اور 54 لاکھ روپے لے گئے۔ اطلاع ملنے کے بعد پولیس نے ان کا پیچھا کیا۔ بدمعاشوں نے کار چھوڑ دی اور بیکنتھ پور جنگل میں پناہ لی۔ پولیس نے کار برآمد کرلی۔ گاڑی میں نمبر پلیٹ اور بہت سے ہاتھ کے دستانے ہیں۔اس کے بعد محکمہ جنگلات کی مدد سے جنگل کو گھیرے میں لے لیا گیا۔ سلی گڑی پولیس کی مدد سے مشترکہ تلاشی مہم چلائی گئی۔ ڈرون کی مدد سے تلاشی لی جارہی ہے۔ ڈاکووں کی کار سے دہلی پولیس کی ٹوپی ملی۔ خیال کیا جاتا ہے کہ یہ ٹوپی پولیس سے بچنے کے لیے رکھی گئی تھی۔

Source: Mashriq News service