21کولکاتا14جون : جولائی کی ریلی کے انتخابی پوسٹر میں صرف پارٹی کی طاقتور لیڈر ممتا بنرجی کو دکھایا جائے گا۔ پارٹی کے آل انڈیا جنرل سکریٹری ابھیشیک بنرجی کی کوئی تصویر نہیں ہوگی۔ پارٹی کے سینئر رکن پارلیمنٹ سدیپ بنرجی کا کہنا ہے کہ 'سینا پتی' ابھیشیک نے خود پارٹی کو یہ بتایا ہے۔ترنمول نے ہفتہ کو 21 جولائی کو ہونے والی ریلی کی تیاری کی میٹنگ بلائی تھی۔ یہ میٹنگ بھوانی پور کے پریانتھ ملک روڈ پر واقع پارٹی دفتر میں ہوئی۔ اس میٹنگ کے بعد کولکاتہ شمالی کے ایم پی سدیپ نے ایک پریس کانفرنس میں کہا، "21 جولائی کے پروگرام کے پوسٹر جو کامک اسٹریٹ کے دفتر سے پین ڈرائیو پر دیا گیا تھا، اس میں صرف ممتا بنرجی کی تصویر ہے۔ پارٹی کی ریلیوں میں ممتا کے ساتھ ابھیشیک کی تصویر نہ لگنے کو لے کر ماضی میں ترنمول کانگریس میں کافی ہنگامہ ہوا تھا۔ اس کی شروعات نومبر 2023 میں نیتا جی انڈور ریلی سے ہوئی تھی۔ کنال گھوش جیسے لیڈروں نے کھلے عام سوال اٹھائے تھے کہ وہاں صرف ممتا کی تصویر ہی کیوں ہے اور ابھیشیک کی تصویر کیوں نہیں ہے۔ حالانکہ پارٹی میں بہت سے لوگوں کی رائے ہے کہ پارٹی کے اندر کنال کی 'پوزیشن' اب نہیں رہی۔ گزشتہ چند مہینوں میں ترنمول کے ’مرکزِ ثقل‘ کے بدلنے کی کئی مثالیں سامنے آئی ہیں۔ ممتا نے پارٹی میٹنگوں میں کئی بار یہ پیغام دیا ہے کہ نہ صرف حکومت میں بلکہ تنظیم میں بھی ان کا حتمی کہنا ہے۔ ممتا نے پارٹی میٹنگ میں یہ بھی کہا کہ وہ مزید 10 سال پارٹی کو چلائیں گی۔

Source: Mashriq News service