Entertainment

میری شادی میں صرف سلمان خان میرے ساتھ کھڑے رہے: بھاگیہ شری

بالی ووڈ اداکارہ بھاگیہ شری نے انکشاف کیا ہے کہ فلم ’میں نے پیار کیا‘ کے سیٹ پر سلمان خان ہمیشہ میرا بہت خیال رکھتے تھے اور ہمالیہ ڈاسانی سے شادی کے دوران میرے گھر والوں کے بجائے صرف سلمان خان میرے ساتھ کھڑے رہے تھے۔ میڈیا کے مطابق بالی وڈ اداکارہ بھاگیہ شری نے سلمان خان کے ساتھ فلم 1989ء کی فلم ’میں نے پیار کیا‘ سے شاندار ڈیبیو کیا تھا، اسکرین پر ان کی کیمسٹری نے فلم کی کامیابی میں اہم کردار ادا کیا اور انہیں راتوں رات اسٹار بنا دیا، تاہم انہوں نے جلد ہی شادی کرنے کے لیے شوبز کو چھوڑ دیا۔ میڈیا کو انٹرویو میں بھاگیہ شری نے سلمان خان کے ساتھ اپنے تعلق پر کھل کر بات کی اور انکشاف کیا کہ جب میری شادی ہوئی تو سلمان خان کے علاوہ میرے خاندان کی طرف سے کوئی بھی موجود نہیں تھا۔

Source: Social media