کلپی: جنوبی بنگال کے اضلاع میں رتھ سے پہلے مسلسل بارش۔ یہ بارش خلیج بنگال میں ایک نئے ڈپریشن کی وجہ سے شروع ہوئی ہے۔ اس صورتحال میں ایک بڑا حادثہ رونما ہو ا۔ مسلسل بارش کے باعث مٹی کی دیوار گرنے سے بزرگ جوڑے کی موت ہو گئی۔ یہ افسوسناک واقعہ جنوبی 24 پرگنہ کے کلپی میں رام کشور پور گرام پنچایت کے ہاڈا گاوں میں پیش آیا۔ مقامی ذرائع کے مطابق مرنے والوں کے نام شیو پرساد منڈل (75) اور رینوکا منڈل (65) ہیں۔ یہ جوڑا کافی عرصے سے ایک خستہ حال مٹی کے مکان میں رہ رہا تھا۔ بدھ کی صبح جوڑے کے بیٹے اور پڑوسیوں نے مٹی کی دیوار کو گرا ہوا پایا۔ مٹی کی دیوار ہٹانے کے بعد جوڑے کی بے جان لاش برآمد ہوئی۔ مقامی لوگوں کا دعویٰ ہے کہ اس خاندان نے ہاوسنگ اسکیم کے لیے بارہا درخواستیں دی تھیں۔ حال ہی میں ان کے گھر کا سروے بھی کیا گیا۔ صرف منڈل جوڑا ہی نہیں، بلکہ گاوں کے کئی دوسرے خاندان بھی ایسے خستہ حال مکانوں میں رہتے ہیں۔ اس واقعے کے بعد ہر کوئی خوفزدہ ہے۔

Source: Mashriq News service