ندیا؛کلیانی کے ہرین گھٹا میں ایمبولینس اور لاری آمنے سامنے ٹکر سے کم از کم تین لوگوں کی جان چلی گئی۔ مزید چار افراد زخمی حالت میں اسپتال میں داخل ہیں۔ تاہم ان میں سے تین شدید زخمی ہیں۔ ہسپتال ذرائع کے مطابق ان کی حالت بھی تشویشناک ہے۔ پولیس ذرائع کے مطابق یہ حادثہ سنیچر کی دیر رات نیشنل ہائی وے 12 پر جگولی چوراہے پر پیش آیا۔ ایمبولینس جھارکھنڈ کے پاکور سے ایک مریض کو لے کر کلکتہ کی طرف جارہی تھی۔ مخالف سمت سے آنے والی 12 پہیوں والی لاری سے آمنے سامنے کی ٹکر ہوئی۔ ایمبولینس الٹ گئی۔ لاری کو بھی نقصان پہنچا۔ اندر موجود مسافروں کو سڑک پر گر گئے۔ واقعہ کی اطلاع ملتے ہی مقامی لوگوں نے سب سے پہلے ریسکیو آپریشن شروع کیا۔ اطلاع ملنے پر پولیس موقع پر پہنچ گئی۔ تین افراد کی موقع پر ہی موت ہونے کی اطلاع ہے۔ چار زخمیوں کو کلیانی کے جواہر لال نہرو اسپتال میں داخل کرایا گیا ہے۔ وہ وہاں زیر علاج ہیں۔ خدشہ ہے کہ مرنے والوں کی تعداد بڑھ سکتی ہے۔ یہ ابھی تک واضح نہیں ہے کہ حادثہ کیسے پیش آیا۔ پولیس نے واقعے کی تفتیش شروع کردی ہے۔ تمام زخمی اور مرنے والے جھارکھنڈ کے پاکور علاقے کے رہنے والے ہیں۔ متوفی کے اہل خانہ اتوار کی صبح کلیانی پہنچ گئے۔

Source: social media