اسکول میں20 لاکھ روپے کی غبن کا الزام ہیڈ ماسٹر پر!
اسکول کے ہیڈ ماسٹر کے سر پر انڈے پھوڑے گئے اور گوبر پھینکا گیا! مڈ ڈے میل سمیت مختلف شعبوں میں تقریباً ۲۰ لاکھ روپے کی مالی بے ضابطگیوں کے الزام کے سبب ایسا واقعہ پیش آیا۔ یہ واقعہ اونڈا بلاک کے باکی سیندرا ہائی اسکول میں پیش آیا۔ اس الزام کو سامنے رکھتے ہوئے ہیڈ ماسٹر سادھن چندر پال کے خلاف والدین اور گاو¿ں والوں کے ایک گروپ نے احتجاج کیا۔ اسکول کے احاطے میں 'چور چور' کے نعرے لگے۔ صورتحال پر قابو پانے کے لیے پولیس موقع پر پہنچ گئی۔
شکایت کرنے والوں کا دعویٰ ہے کہ مڈ ڈے میل، اسکول ڈیولپمنٹ فنڈ سمیت مختلف شعبوں میں مختص رقم کے حساب کتاب پر طویل عرصے سے سوالات اٹھ رہے تھے۔ ان کا الزام ہے کہ تقریباً ۲۰ لاکھ روپے کی مالی بے ضابطگی ہوئی ہے۔ اسی الزام کے تحت پیر کو اسکول میں احتجاج شروع ہوا۔ احتجاج کے دوران ہی ہیڈ ماسٹر کے سر پر گوبر اور انڈے ڈالنے کا واقعہ پیش آیا، یہ الزام ہے۔
اسکول مینجمنٹ کمیٹی کے رکن الوک گھوش نے کہا، "الزامات کے معاملے کو سنجیدگی سے دیکھا جا رہا ہے۔ ضروری دستاویزات کا جائزہ لے کر اگلا فیصلہ کیا جائے گا۔" علاقے کے بی جے پی ایم ایل اے امر شاکھا نے کہا، "سرکاری رقم میں بے ضابطگیوں کا الزام انتہائی سنگین ہے۔ غیر جانبدارانہ تحقیقات کر کے ملزمان کے خلاف سخت کارروائی کی جانی چاہیے۔" اگرچہ ان کے خلاف لگنے والے تمام الزامات کی ہیڈ ماسٹر سادھن چندر پال نے تردید کی ہے۔ ان کا دعویٰ ہے، "میرے خلاف جو الزامات لگائے گئے ہیں وہ مکمل طور پر بے بنیاد ہیں۔ اسکول کے تمام مالی لین دین سرکاری اصولوں کے مطابق کیے گئے ہیں۔ تحقیقات میں تمام دستاویزات پیش کروں گا۔" ضلع اسکول انسپکٹر (سیکنڈری) پیوش کانتی بیرا نے کہا، "تحریری شکایت ملنے پر معاملے کا جائزہ لیا جائے گا۔ ضرورت پڑنے پر تحقیقات کر کے محکمہ تعلیم کے قواعد کے مطابق کارروائی کی جائے گی۔
اس واقعے کے سبب پیر کو اسکول کے احاطے میں بڑے پیمانے پر کشیدگی پھیل گئی۔ مالی بے ضابطگیوں کے الزامات کی حقیقت کتنی ہے، اس سوال کے ساتھ ساتھ ہیڈ ماسٹر کو عوامی طور پر ذلیل و رسوا کرنے کے واقعے پر بھی بحث شروع ہو گئی ہے۔ محکمہ تعلیم نے کہا ہے کہ انتظامی تحقیقات کے بعد ہی الزامات کی اصل حقیقت سامنے آئے گی۔

Source: Admin