Kolkata

کولکتہ کے زیورات کے تاجر کی دکان سے ساڑھے 3 کروڑ کا سونا غائب

06/08/26

کولکتہ کے زیورات کے تاجر کی دکان سے ساڑھے 3 کروڑ کا سونا غائب
جیولری شاپ سے ساڑھے تین کروڑ روپے کا سونا ہتھا کر دو کاریگر فرار ہو گئے۔ واقعہ سامنے آتے ہی گریش پارک تھانے میں اس سونے کی دکان کی انتظامیہ نے شکایت درج کرائی۔ شکایت کی بنیاد پر واقعے کی تحقیقات شروع کر دی گئی ہیں۔ صرف یہی نہیں، فرار ہونے والے دونوں کاریگروں کی تلاش شروع کر دی گئی ہے۔ جیولری شاپ میں موجود سی سی ٹی وی فوٹیج کا بھی جائزہ لیا جا رہا ہے۔
پولیس نے بتایا کہ گریش پارک کے کالی کرشن ٹیگور اسٹریٹ پر یہ مشہور سونے کی ورکشاپ ہے۔ اس دکان سے دو کاریگروں نے رابطہ کیا تھا۔ سونے کی دکان کی انتظامیہ کے مطابق، دسمبر 2022 میں ہرادھن دے اور شوبھنکر سامنت نامی دو کاریگر دکان پر آئے۔ انہوں نے افسران کو بتایا کہ وہ مناسب قیمت پر سونے کے زیورات تیار کر کے دیں گے۔ اس کے لیے انہیں سونا دینے کی بھی بات کہی گئی۔ اس سلسلے میں دکان کے مالکان اور دونوں ملزمان کے درمیان ایک معاہدہ بھی ہوا۔ تفتیش کاروں کو معلوم ہوا ہے کہ اس طرح وہ سونا لیتے رہے۔ انہیں سونے کی انگوٹھیوں یا ہاروں میں جڑنے کے لیے قیمتی پتھر بھی دیے گئے۔ تقریباً ساڑھے تین سال تک دونوں کاریگر سونا لے کر کام کرتے رہے۔ اس طرح انہوں نے اعتماد پیدا کر لیا!

Source: Admin