Kolkata

جیسور روڈ پر فیکٹری میں آگ لگنے سے 22گاڑیاں جل کر راکھ ہوگئیں

24/08/26

جیسور روڈ پر فیکٹری میں آگ لگنے سے 22گاڑیاں جل کر راکھ ہوگئیں
پیر کی صبح سویرے ایک بار پھر کلکتہ میں آگ لگنے کا واقعہ پیش آیا۔ کلکتہ ہوائی اڈے کے قریب یشور روڈ سے متصل بانکڑا میں گاڑیوں کے شوروم میں آگ بھڑک اٹھی۔ ایک کے بعد ایک گاڑیوں میں آگ لگ گئی۔ کم از کم 22گاڑیاں مکمل طور پر جل کر راکھ ہو گئیں۔ آگ سے مزید 8گاڑیاں بھی متاثر ہوئیں۔

اطلاع ملتے ہی پہلے5 فائر انجن موقع پر پہنچے۔ آگ پر قابو پانے کے لیے مزید3 انجن طلب کیے گئے۔ کل8 انجنوں کی طویل کوشش کے بعد آگ قابو میں آئی۔ فائر بریگیڈ کا ابتدائی اندازہ ہے کہ شارٹ سرکٹ کی وجہ سے یہ آگ لگی ہوگی۔
صبح کی روشنی پھیلنے سے پہلے ہی سب کچھ ختم ہو گیا! ایک تجارتی گاڑی کے مالک کو فون پر اطلاع ملی جو اپنی گاڑی اس سروس سینٹر میں مرمت کے لیے دیے تھے۔ وہ دوڑ کر پہنچے تو دیکھا کہ ان کی گاڑی جل رہی ہے۔ انہوں نے بتایا کہ اس وقت فائر بریگیڈ کے اہلکار فیکٹری کی دوسری جانب آگ بجھانے میں مصروف تھے۔ تب تک گاڑی جل کر تباہ ہو چکی تھی۔ ان کے بقول، "سروس سینٹر میں دے کر اتنا بڑا نقصان ہوگا نہیں سوچا تھا۔ نئی گاڑی مکمل تباہ ہو گئی۔ مجھے نہیں معلوم معاوضہ کیسے ملے گا۔"

Source: Admin