بانکوڑہ 24جون : اسکول سے بھاگنے والے بچے شیو مندر کے پاس گھاٹ پر گئے پھر وہاں سے لاپتہ ہوگئے۔ بتایا گیا کہ اسکول سے بھاگے بچے سبھاش پلی میں شریشور ندی کے گھاٹ پر گئے۔ لیک کوئی سوچ بھی نہیں سکتا تھا کہ ان کے ساتھ اس طرح کا واقعہ دیکھنا پڑے گا۔ دوارکیشور ندی میں نہانے کے دوران نہم کلاس کے تین طالب علم پانی میں بہہ گئے۔ ان کے باقی دوست اسے دیکھ کر چونک گئے۔ یہ واقعہ منگل کی دوپہر بانکورہ کے بشنو پور تھانے میں پیش آیا۔ واقعہ کی اطلاع ملتے ہی علاقہ مکینوں نے سب سے پہلے تلاش شروع کی۔ بعد میں بشنو پور تھانے کی پولیس نے لاپتہ طلباءکی تلاش شروع کردی۔ اس کے بعد ڈیزاسٹر ریسپانس فورس موقع پر پہنچ گئی۔ انہوں نے اسپیڈ بوٹ کے ذریعے دریا میں تلاش شروع کی۔بانکوڑہ کے بشنو پور ہائی اسکول کے 9ویں کلاس کے 8 سے 10 طلبائ اسکول چھوڑ کر شریشور شیو مندر کے قریب دریائے درکیشور کے شریشور گھاٹ پر چلے گئے۔ وہ دوپہر ایک بجے تک سائیکلوں پر پہنچ گئے۔تینوں کے نام آر کو دیپ داس، سیان چٹرجی، اور مشرا ہیں۔ دریا میں داخل ہوتے ہی تیز کرنٹ میں بہہ جانے لگے۔ تینوں طالب علم ڈوبنے لگے۔ یہ واقعہ دیکھ کر دریا کے کنارے پر موجود دوست چیخنے لگے۔ ان کی چیخ و پکار سن کر علاقہ مکین موقع پر پہنچ گئے۔ انہوں نے تین لاپتہ طلباءکی تلاش شروع کردی۔ بعد میں اطلاع ملتے ہی بشنو پور تھانے کی پولیس اور ڈیزاسٹر مینجمنٹ فورس پہنچی۔ اگرچہ ڈیزاسٹر منیجمنٹ فورس کے لوگوں نے اسپیڈ بوٹ کے ذریعے دریا میں تلاش شروع کی، اب تک (شام 6 بجے) تک تین لاپتہ طلبہ کا کوئی سراغ نہیں مل سکا ہے۔

Source: Mashriq News service