وزیر اعلیٰ شبھیندو ادھیکاری نے بھوانی پور میں ترنگا یاترا کی تیاری شروع کی

وزیر اعلیٰ شبھیندو ادھیکاری اپنے اسمبلی حلقے بھوانی پور میں ترنگا یاترا کرنے والے ہیں۔ سب کچھ ٹھیک رہا تو آئندہ جمعہ کی سہ پہر بھوانی پور اسمبلی علاقے کے وسیع حصے میں یہ جلوس نکالا جائے گا۔ قومی پرچم ہاتھ میں لیے وزیر اعلیٰ کی قیادت میں اس پروگرام کو لے کر پہلے ہی سیاسی حلقوں میں قیاس آرائیاں شروع ہو گئی ہیں۔ پولیس اور انتظامیہ کو اس جلوس کے بارے میں مطلع کر دیا گیا ہے۔ تاہم حالیہ واقعات کے پیش نظر سیکیورٹی وجوہات کی بنا پر وزیر اعلیٰ کا پروگرام اور راستہ ابھی تک عوام کے سامنے نہیں بتایا گیا ہے۔

حال ہی میں دلی میں نیٹ امتحان کے پیپر لیک کے واقعے کو لے کر جو تحریک شروع ہوئی تھی، اس میں وزیر اعظم نریندر مودی، سابق وزیر تعلیم دھرمیندر پردھان سمیت بی جے پی رہنماو¿ں کے خلاف نازیبا تبصرے کیے گئے تھے، جیسا کہ الزام ہے۔ اس کے احتجاج میں گزشتہ ہفتے کلکتہ شہر میں قومی پرچم ہاتھ میں لیے بی جے پی رہنماو¿ں نے جلوس نکالا۔ اب خود اپنے اسمبلی حلقے میں اسی طرح کا جلوس کرنے جا رہے ہیں شبھیندو۔

بھوانی پور کے ایم ایل اے منتخب ہونے کے بعد محض ڈھائی مہینوں میں شبھیندو نے علاقے کے لوگوں کا شکریہ ادا کرتے ہوئے ایک ریلی نکالی تھی۔ تاہم ایم ایل اے بننے کے بعد ابھی تک بھوانی پور میں ان کا کوئی بڑا سیاسی پروگرام نظر نہیں آیا تھا۔ آئندہ جمعہ کو شبھیندو کے اس جلوس کو لے کر سیاسی حلقوں میں قیاس آرائیاں بڑھ رہی ہیں۔

بھوانی پور نہ صرف شبھیندو کا اسمبلی حلقہ ہے، بلکہ طویل عرصے سے یہ حلقہ ترنمول رہنما اور سابق وزیر اعلیٰ ممتا بنرجی کا سیاسی گڑھ رہا ہے۔ ان کی رہائش گاہ بھی اسی اسمبلی حلقے میں واقع ہے۔ حال ہی میں دلی میں طلبہ کے نام پر نوجوان نسل کی جو تحریک شروع ہوئی تھی، اس میں ممتا نے کھل کر حمایت کا اظہار کیا تھا۔ یہاں تک کہ دلی جا کر اس تحریک میں شامل ہونے کی خواہش بھی ظاہر کی تھی۔ اگرچہ اس وقت کے مرکزی وزیر تعلیم دھرمیندر نے استعفیٰ دے دیا اور طلبہ کے تمام مطالبات حکومت نے مان لینے کی وجہ سے تحریک ماند پڑ گئی، چنانچہ دلی جانا ممکن نہیں ہو پایا۔

سیاسی حلقوں کے ایک طبقے کے مطابق، ممتا کے اس سیاسی موقف کے جواب میں ہی شبھیندو بھوانی پور میں جلوس کے ذریعے اپنی سیاسی موجودگی کا احساس دلانا چاہتے ہیں۔

Source: Admin