برطانوی پولیس نے انسدادِ دہشت گردی کی ایک وسیع تحقیقات کے بعد تین ایرانی مردوں پر قومی سلامتی ایکٹ کے تحت الزامات عائد کیے ہیں، برطانوی حکام نے ہفتے کے روز کہا۔ برطانوی انسدادِ دہشت گردی کی پولیس نے اس ماہ کے شروع میں دو الگ الگ کارروائیوں میں سات ایرانیوں سمیت آٹھ افراد کو گرفتار کیا تھا جنہیں وزیرِ داخلہ نے حالیہ برسوں میں اپنی نوعیت کی اہم ترین تحقیقات قرار دیا۔ پولیس نے ایک بیان میں کہا کہ مصطفیٰ سپہوند، فرہاد جوادی منیش اور شاپور قلعہ علی خانی نوری پر الزام عائد کیا گیا کہ وہ 14 اگست 2024 سے 16 فروری 2025 کے درمیان غیر ملکی انٹیلی جنس سروس کی ممکنہ مدد کرنے کے طرزِ عمل میں ملوث تھے۔ بیان کے مطابق ملوث غیر ملکی ریاست ایران ہے۔ ایرانی وزیرِ خارجہ عباس عراقچی نے پہلے کہا تھا کہ وہ یہ جان کر "پریشان" ہوئے کہ برطانوی حکام نے ایرانی شہریوں کو گرفتار کیا گیا تھا۔ برطانوی حکومت نے ایران کو غیر ملکی اثر و رسوخ کے معاملے میں بلند ترین درجے پر رکھا ہے جو تہران سے تقاضہ کرتا ہے کہ وہ برطانیہ میں سیاسی اثر و رسوخ استعمال کرنے والی تمام سرگرمیوں کا انکشاف کرے۔

Source: social media