Kolkata

آٹو رکشا ڈرائیور نے لاکھوں روپئے سے بھرا بیگ اس کے مالک کے حوالے کر دیا

11/08/26

آٹو رکشا ڈرائیور نے لاکھوں روپئے سے بھرا بیگ اس کے مالک کے حوالے کر دیا
کرشن نگر کے ایک آٹو رکشا ڈرائیور نے ایمانداری کی مثال پیش کی۔ اس نے ایک مسافر کا بھولا ہوا لاکھوں روپے سے بھرا بیگ اس کے مالک کو واپس کر دیا۔ آٹو ڈرائیور کا نام پرشانت منڈل ہے، جو بیرنگر کے لیچو فارم علاقے کا رہائشی ہے۔ ان کے اس کام کی مقامی لوگوں نے خوب تعریف کی۔ سارے پیسے واپس پاکر مالک درگا چرن وشواس بہت خوش ہوئے۔
معلوم ہوا ہے کہ بیرنگر کے بسک پاڑہ نگری درگا چرن وشواس لاکھوں روپے لے کر آٹو میں سوار ہو کر گھر لوٹ رہے تھے۔ جلدی میں اترتے وقت وہ بیگ لینا بھول گئے اور سیدھے گھر چلے گئے۔ گھر پہنچ کر جب انہیں بیگ یاد آیا تو ان کے ہوش ا±ڑ گئے۔ اتنی بڑی رقم کیسے واپس ملے گی، اس فکر میں وہ بری طرح پریشان ہو گئے۔ دوسری طرف، مسافر کو اتار کر ڈرائیور پرشانت منڈل اپنے آٹو کے ساتھ گھر کی طرف لوٹ رہے تھے۔ اسی دوران ان کی نظر آٹو کے اندر ایک بیگ پر پڑی۔ بیگ کھول کر دیکھا تو اندر لاکھوں روپے دیکھ کر وہ چونک گئے۔ چاہتے تو وہ وہ رقم اپنے پاس رکھ سکتے تھے، لیکن پرشانت نے ایسا نہیں کیا۔ اس کے بعد وہ بیگ کے مالک کو تلاش کرنے میں جٹ گئے۔ انہوں نے کئی جگہوں پر رابطہ کیا اور پوری بات تھانے میں بھی بتائی۔ پولیس کی مدد سے آخر کار بیگ کے اصلی مالک کا پتہ چل گیا۔ آخر کار درگا چرن وشواس کو ان کا کھویا ہوا بیگ اور سارے پیسے واپس سونپ دیے گئے۔ لاکھوں روپے واپس پاکر درگا چرن وشواس کو بڑی راحت ملی۔ ساتھ ہی، انہوں نے پرشانت منڈل کی ایمانداری سے بہت متاثر ہو کر ان کی تعریف کی اور ان کے تئیں شکرگزاری بھی ظاہر کی۔

Source: Admin