بچے کی تلاش میں گینڈے کی موت ہوگئی تھی، دس گھنٹوں کے بعد بچے کو جنگل محکمے نے بچایا
ماں کی گود سے چھوٹا سا بچہ گم ہو گیا تھا۔ مسلسل ۱۰ گھنٹے کی کارروائی کے بعد اس کا پتہ چلا جنگل محکمے کو۔ بچے گینڈے کو بچا کر جنگل میں چھوڑنے کے بعد وہ اکیلا گہرے جنگل کی طرف بھاگا۔ لیکن ماں… نہیں ہے!جلداپاڑا مغربی رینج کے تحت کنجن گڑھ بیٹ علاقے سے ایک بالغ مادہ گینڈا اپنے بچے سمیت کنجن گڑھ گاو¿ں میں گھس گئی۔ ایک نر گینڈے کے پیچھا کرنے کی وجہ سے وہ وہاں آ گئی تھی، ایسا معلوم ہوتا ہے۔ لوکل علاقے میں آنے کے بعد بچہ گینڈا ماں کی گود سے الگ ہو گیا۔ اس کے بعد ماں گینڈا پاگلوں کی طرح لوکل علاقے میں گھومنے لگی۔ گینڈا ایک مقامی گھر کے اندر بھی گھس گیا۔ غضب ناک گینڈا نے متعدد گھروں پر حملہ کیا، جس سے گھر کو نقصان پہنچا۔ گینڈا بھی زخمی ہو گیا۔ آخر کار ایک راشن ڈیلر کے گھر کے پیچھے بانس کی جھاڑی میں پناہ لی۔ اسی بانس کی جھاڑی میں وہ گر پڑی۔ پھر وہ اٹھ نہ سکی اور وہیں اس کی موت ہو گئی۔جلداپاڑا وائلڈ لائف ڈویڑن کی چھ مختلف رینجز سے تقریباً ۶۰ جنگل اہلکاروں کو اس بچے گینڈے کو ڈھونڈنے کے لیے تعینات کیا گیا۔ پوری کارروائی کے دوران ہجوم کو سنبھالنے اور سلامتی کو یقینی بنانے کے لیے مقامی پولیس بھی جائے وقوعہ پر موجود تھی۔ شام کو موسم کی صورت حال کچھ موزوں ہونے پر، ویٹرنری ڈاکٹروں کی ٹیم نے بچے کو بے ہوش کرنے کی دوا دے کر اسے سکون دیا۔ جانور کو محفوظ طریقے سے ایک پنجرے میں منتقل کیا گیا؛ بانس کے ڈھانچے کا استعمال کرتے ہوئے پنجرے کو اٹھایا گیا اور ٹریکٹر پر لے جا کر جنگل میں چھوڑ دیا گیا۔ اپنی جگہ واپس تو آ گیا، لیکن آج یہ بچہ گینڈا ماں سے محروم ہے۔ کل جب لوکل علاقے میں گھسا تھا، تب تو ماں ساتھ تھی۔ گھروں اور جنگل میں 'لوکا چھپی' کھیلتے ہوئے ماں ہمیشہ کے لیے گم ہو گئی۔ آج جنگل واپس آیا تو وہاں ماں نہیں ہے۔ ڈھونڈتا پھرے گا لیکن بچہ گینڈا اب ماں کو نہیں پائے گا۔

Source: Admin