پڑوسی کے ساتھ زمین کو لے کر کافی عرصے سے جھگڑا چل رہا تھا۔ لیکن، کسی کو اندازہ نہیں تھا کہ اس کا خاتمہ موت پر ہوگا۔ شمالی دیناج پور کے کالیا گنج تھانے کے رادھیکاپور کے جگدلا گاوں میں سنسنی خیز واقعہ رونما ہوا ۔ ذرائع کے مطابق سرل رائے (42) جو پیشہ سے کسان ہے، گاوں کا رہنے والا ہے، اس کا اپنے کچھ پڑوسیوں سے تنازعہ چل رہا تھا۔ اس دوران علاقے کے رہنے والے آسارام رائے، جگدیش رائے، وشنو رائے جب زمین کے تنازعہ کو ختم کرنے کے لیے بی ایل آر او آفس گئے تو سرل رائے اور کچھ دوسرے لوگوں پر مار پیٹ کرنے کا الزام لگایا۔مبینہ طور پر سرل رے سمیت ان کے اہل خانہ کو مبینہ طور پر بانس کی لاٹھیوں کے ساتھ ساتھ تیز دھار ہتھیاروں سے بھی پیٹا گیا۔ سرل سمیت تین دیگر کو تشویشناک حالت میں کالیا گنج اسٹیٹ جنرل اسپتال میں داخل کرایا گیا ہے۔ لیکن وہاں حالت بگڑنے پر انہیں رائے گنج میڈیکل کالج منتقل کیا گیا۔ لیکن، سرل رائے کو بچایا نہیں جا سکا۔ جمعہ کی رات دیر گئے ان کا انتقال ہوگیا۔

Source: Social Media