،ضرور ت پڑی تو بنگلہ دیش کو ہی لے لیاجائے گا: بی جے پی رہنما کا اعلان

کولکاتا24دسمبر:بنگلہ دیش میں جاری بھارت مخالف احتجاج اور ہندو نوجوان دیپو داس کے بہیمانہ قتل کے خلاف بی جے پی قائدین نے پیٹرا پول سرحد پر سخت احتجاجی مظاہرہ کیا اور بنگلہ دیشی قیادت کو کڑی وارننگ دی۔ بنگلہ دیش میں بڑھتی ہوئی بھارت مخالفت اور ہندو نوجوان دیپو داس کے قتل کے خلاف بی جے پی رہنماوں نے پیٹرا پول سرحد پر شدید احتجاج کیا۔ اس موقع پر بی جے پی کے ایم ایل اے اسیم سرکار نے سخت موقف اپناتے ہوئے کہا کہ جس طرح پاکستان میں سرجیکل اسٹرائیک کی گئی تھی، اسی طرح اب بنگلہ دیش میں بھی سرجیکل اسٹرائیک ہونی چاہیے۔ انہوں نے مزید کہا کہ اگر ضرورت پڑے تو بنگلہ دیش کو بھارت میں شامل کر لینا چاہیے اور وہاں کے شدت پسندوں کو پاکستان بھیج دینا چاہیے۔ بنگلہ دیشی رہنماوں کی جانب سے بھارت کی سات شمال مشرقی ریاستوں (سیون سسٹرز) پر قبضے یا انہیں الگ کرنے کی دھمکی پر طنز کرتے ہوئے اسیم سرکار نے کہا کہ مرکزی حکومت کو اب مزید تاخیر نہیں کرنی چاہیے۔ دوسری طرف، ایم ایل اے اشوک کرتنیہ نے کہا کہ یہ احتجاج محمد یونس کو سبق سکھانے کے لیے ہے اور مغربی بنگال کے ہندو بنگلہ دیشی سناتنیوں کے ساتھ کھڑے ہیں۔ اسمبلی میں اپوزیشن لیڈر شویندو ادھیکاری نے بھی بنگلہ دیش کا موازنہ ایک چھوٹی چیونٹی سے کیا اور کہا کہ بھارت کے چند ڈرونز ہی ان کی دلیری ختم کرنے کے لیے کافی ہیں۔ سرحد پر اس احتجاج کے پیش نظر بی ایس ایف اور ریاستی پولیس کی اضافی نفری تعینات کر کے سیکیورٹی کے سخت انتظامات کیے گئے تھے۔

Source: PC- tv9bangla