ترنمول کانگریس کی سربراہ ممتا بنرجی نے اپنی جیت کا دعویٰ کیا

پہلے مرحلے کی ریکارڈ ووٹنگ کے بعد، وزیر اعلیٰ اور ترنمول کانگریس کی سربراہ ممتا بنرجی نے اپنی جیت کا پراعتماد دعویٰ کیا ہے۔ یادو پور کے یووا سنگھ میدان میں ایک عوامی جلسے سے خطاب کرتے ہوئے انہوں نے بی جے پی اور الیکشن کمیشن پر سخت تنقید کی۔ 152 نشستوں پر پولنگ مکمل ہونے کے بعد ممتا بنرجی نے کہا، "ترنمول ہار نہیں سکتی۔ آج (پہلے مرحلے کے بعد) ہی ہم جیت کر بیٹھے ہوئے ہیں۔" انہوں نے کارکنوں کو جوش دلاتے ہوئے کہا کہ اگلے مرحلے میں مخالفین کو اس طرح شکست دیں گے (درمش کریں گے) کہ کوئی دوبارہ بنگال کی توہین کرنے کی ہمت نہ کر سکے۔ ممتا بنرجی نے بی جے پی پر جھوٹی مہم چلانے کا الزام لگایا اور الیکشن کمیشن کے رویے پر بھی سوالات اٹھائے۔ انہوں نے کہا کہ بی جے پی باہر سے آکر بنگال کی ثقافت اور شناخت کو نقصان پہنچانے کی کوشش کر رہی ہے، جسے ریاست کے عوام قبول نہیں کریں گے۔پہلے مرحلے میں 90 فیصد سے زیادہ ووٹنگ کو جہاں بی جے پی اپنی لہر قرار دے رہی ہے، وہیں ممتا بنرجی نے اسے ترنمول کی حمایت میں عوامی فیصلہ قرار دیا ہے۔ ان کے بقول، پہلے مرحلے کے نتائج نے ترنمول کی دوبارہ حکومت بنانے کی بنیاد رکھ دی ہے۔

Source: PC-sangbadpratidin