ترنمول کانگریس کے استار پرچارک دیب لگاتار انتخابی مہم چلانے سے بیمار پڑ گئے

مغربی بنگال کے 2026 کے اسمبلی انتخابات کے لیے جاری شدید انتخابی مہم کے دوران، ترنمول کانگریس کے اسٹار پرچارک اور سپر اسٹار رکنِ پارلیمنٹ دیو شدید گرمی کے باعث اچانک بیمار ہو گئے۔ تاہم، اپنی جسمانی ناسازی کے باوجود انہوں نے اپنے فرائض کو ترجیح دی۔یہ واقعہ جمعہ کی صبح اس وقت پیش آیا جب وہ بیہالہ فلائنگ کلب سے ہیلی کاپٹر کے ذریعے انتخابی مہم کے لیے روانہ ہونے والے تھے۔ ذرائع کے مطابق، اڑان بھرنے سے قبل دیو نے چکر آنے اور گھبراہٹ کی شکایت کی۔ فوری طور پر ان کا بلڈ پریشر چیک کیا گیا، جس میں اتار چڑھاو پایا گیا۔ جمعرات کو دن بھر مہم چلانے کے بعد، جمعہ کو انہیں رانا گھاٹ، متھرا پور اور گھٹک پوکر کے علاقوں میں جلسوں سے خطاب کرنا تھا۔شدید گرمی اور جسمانی کمزوری کے باوجود، دیو نے اپنی مہم منسوخ نہیں کی۔ طبی امداد لینے کے کچھ دیر بعد وہ دوبارہ اپنے سفر پر روانہ ہو گئے تاکہ عوام سے کیے گئے وعدے پورے کر سکیں۔ وہ پچھلے کئی دنوں سے سخت دھوپ میں کبھی پیدل، کبھی گاڑی اور کبھی ہیلی کاپٹر کے ذریعے ریاست کے کونے کونے میں پہنچ کر ترنمول کانگریس کے لیے ووٹ مانگ رہے ہیں۔بنگال میں اس وقت انتخابی درجہ حرارت کے ساتھ ساتھ موسم کی شدت بھی عروج پر ہے، جس کے باوجود دیو جیسے اسٹار مہم جو میدانِ عمل میں ڈٹے ہوئے ہیں۔ ٹی ایم سی کے حامیوں نے ان کی صحت یابی کے لیے نیک خواہشات کا اظہار کیا ہے۔

Source: PC-sangbadpratidin