توپسیا، قصبہ، مومن پور اور اقبال پور کے تمام غیر قانونی فیکٹریوں کا بجلی کنکشن کاٹنے کی ہدایت

تپسیا میں آتشزدگی کے واقعے کے بعد مغربی بنگال کی نئی حکومت نے انتہائی سخت موقف اختیار کیا ہے۔ وزیر اعلیٰ شبھیندو ادھیکاری نے شہر کی تمام غیر قانونی فیکٹریوں کے خلاف فیصلہ کن کارروائی کا حکم دے دیا ہے۔ وزیر اعلیٰ نے چار محکموں پر مشتمل ایک کمیٹی بنائی تھی جس نے بدھ کی صبح اپنی رپورٹ پیش کی۔ شبھیندو ادھیکاری کے مطابق، رپورٹ میں جو انکشافات ہوئے ہیں وہ کولکتہ اور ریاست کی حفاظت کے لیے ایک 'خطرناک اشارہ' ہیں۔جس عمارت میں آگ لگی، اس کا کوئی 'بلڈنگ پلان' نہیں تھا اور وہاں فائر سیفٹی کے بنیادی انتظامات بھی موجود نہیں تھے۔ وہ کارخانہ مکمل طور پر غیر قانونی طور پر چلایا جا رہا تھا۔ وزیر اعلیٰ نے بجلی کے محکمے اور سی ای ایس سی کو ہدایت دی ہے کہ تپسیا،قصبہ، مومن پور اور اقبال پور جیسے علاقوں میں ایسی تمام غیر قانونی فیکٹریوں کا آڈٹ کر کے ان کے بجلی کے کنکشن مستقل طور پر کاٹ دیے جائیں۔ کولکتہ میونسپل کارپوریشن کو پانی کے کنکشن منقطع کرنے کا بھی حکم دیا گیا ہے۔شہری ترقی کے سیکریٹری کو ہدایت دی گئی ہے کہ اس غیر قانونی عمارت کو ایک دن کے اندر پولیس کی مدد سے گرا دیا جائے۔وزیر اعلیٰ نے سخت لہجے میں خبردار کرتے ہوئے کہا، "ہماری پالیسی 'زیرو ٹالرنس' ہے۔ جو لوگ غیر قانونی کاموں میں ملوث ہیں، وہ ابھی سے سدھر جائیں، ورنہ سخت کارروائی کے لیے تیار رہیں۔

Source: PC-sangbadpratidin