توپسیا آتشزدگی معاملے میں پولس نے کارخانے کے مالک کو گرفتار کر لیا

تپسیا میں چمڑے کے کارخانے میں لگنے والی آگ کے واقعے میں پولیس نے کارخانے کے مالک کو گرفتار کر لیا ہے۔ گرفتار شخص کا نام جعفر نثار بتایا گیا ہے۔ تپسیا کے جی جے خان روڈ پر واقع ایک کثیر المنزلہ عمارت میں لگی آگ کے واقعے کے بعد پولیس نے تندہی سے کارروائی کرتے ہوئے کارخانے کے مالک جعفر نثار کو گرفتار کر لیا۔ غیر قانونی طور پر کارخانہ چلانے اور حفاظتی اقدامات میں غفلت برتنے کے حوالے سے تفتیش کی جا رہی ہے۔منگل کی دوپہر تقریباً پونے دو بجے تپسیا کے 50/1 جی جے خان روڈ پر واقع ایک عمارت کی دوسری منزل پر موجود چمڑے کے کارخانے میں اچانک آگ بھڑک اٹھی۔ اس خوفناک آگ کی زد میں آکر کئی لوگ پھنس گئے تھے۔ فی الحال تین افراد جھلسنے کی وجہ سے زیرِ علاج ہیں اور ان کی حالت تشویشناک بتائی جا رہی ہے۔ آگ لگتے ہی مقامی لوگوں نے فائر بریگیڈ کو اطلاع دی، جس کے بعد فائر فائٹرز نے موقع پر پہنچ کر آگ پر قابو پانے اور پھنسے ہوئے لوگوں کو نکالنے کی کوشش کی۔ وزیر اعلیٰ شبھیندو ادھیکاری نے اس واقعے پر سخت رخ اختیار کیا ہے۔ انہوں نے واضح کیا ہے کہ شہر میں کسی بھی غیر قانونی کارخانے یا عمارت کو برداشت نہیں کیا جائے گا اور اس عمارت کو منہدم کرنے کے احکامات بھی دیے جا سکتے ہیں۔

Source: PC-anandabazar