سی آئی ایس ایف کو قانونی اختیارات، کوئلے کی چوری اور غیر قانونی کان کنی روکنے کے لیے سخت اقدامات

سی آئی ایس ایف کو قانونی اختیارات، کوئلے کی چوری اور غیر قانونی کان کنی روکنے کے لیے سخت اقدامات کوئلے کی چوری اور غیر قانونی کان کنی روکنے کے لیے سینٹرل انڈسٹریل سیکیورٹی فورس (CISF) کو براہ راست قانونی کارروائی کرنے کا اختیار دے دیا گیا ہے۔ اس نئی طاقت کے تحت اب سے CISF براہ راست عدالت میں مقدمہ دائر کر سکے گی، جب کہ پہلے یہ اختیار اس فورس کو حاصل نہیں تھا۔اس فیصلے کو عملی جامہ پہنانے کے سلسلے میں CISF کے ڈی آئی جی کے پی سنگھ نے آسنسول کے شیتل پور میں فورس کے ہیڈکوارٹر کا دورہ کیا۔ وہاں انہوں نے سینئر کمانڈنٹ راہل سنگھ گوتم سمیت دیگر افسران اور جوانوں کے ساتھ ملاقات کی اور نئے قانونی اختیارات کے موثر استعمال سے متعلق ضروری ہدایات دیں۔ بعد ازاں ڈی آئی جی سنگھ ECL کے ہیڈکوارٹر گئے اور وہاں ادارے کے CMD ستیش جھا سے ملاقات کی۔ اس ملاقات میں غیر قانونی کان کنی اور کوئلے کی چوری کی روک تھام کے لیے باہمی ہم آہنگی کو مضبوط بنانے کے موضوع پر تفصیلی گفتگو ہوئی۔واضح رہے کہ CISF وزارت داخلہ کے ماتحت ایک مرکزی مسلح پولیس فورس ہے، جو بنیادی طور پر مختلف سرکاری حساس علاقوں یعنی ہوائی اڈوں، میٹرو کی حفاظت کی ذمہ دار ہوتی ہے۔ ترنمول دور میں کوئلے کی اسمگلنگ اور غیر قانونی نکالنے کے الزامات کئی بار اٹھ چکے ہیں، اور اب اسے روکنے کے لیے یہ بڑا فیصلہ لیا گیا ہے۔ کوئلے کی چوری اور غیر قانونی کان کنی روکنے کے لیے CISF کو قانونی اختیارات فراہم کر دیے گئے ہیں۔

Source: Social Media