شوبھندو کے پی اے کے قتل میں استعمال ہونے والی دوسر ی بائک بھی بر آمد

شبھیندو ادھیکاری کے پرسنل اسسٹنٹ چندر ناتھ رتھ کے قتل کیس میں پولیس کو ایک اور بڑی کامیابی ملی ہے۔ واردات میں استعمال ہونے والی دوسری موٹر سائیکل بھی برآمد کر لی گئی ہے، جبکہ تفتیشی ٹیم سراغ لگانے کے لیے دوسری ریاست روانہ ہو گئی ہے۔ پولیس کو دوسری بائیک باراست میں 11 نمبر ریلوے گیٹ کے پاس لاوارث حالت میں ملی۔ شبہ ہے کہ قاتل واردات کے بعد یہاں بائیک چھوڑ کر فرار ہو گئے۔ پہلی بائیک کی طرح اس دوسری بائیک کا انجن نمبر بھی گھس کر مٹا دیا گیا ہے اور اس پر لگی نمبر پلیٹ بھی فراری کے مقصد سے فرضی استعمال کی گئی تھی۔ ریاستی حکومت نے اس ہائی پروفائل کیس کے لیے 7 رکنی 'سیٹ' تشکیل دی ہے جس کی سربراہی سی آئی ڈی کے ڈی آئی جی رینک کے افسر کر رہے ہیں۔ اس ٹیم میں STF اور باراست پولیس کے افسران بھی شامل ہیں۔ ابتدائی تحقیقات کے مطابق یہ ایک انتہائی منظم اور منصوبہ بند قتل ہے۔ شبہ ہے کہ اس کے لیے 'سپاری کلرز' کی خدمات لی گئی تھیں۔پولیس کا اندازہ ہے کہ اس قتل کی سازش ایک سے ڈیڑھ ماہ قبل تیار کی گئی تھی۔ تفتیشی ٹیم اس بات کا جائزہ لے رہی ہے کہ گزشتہ ایک ماہ کے دوران چندر ناتھ کی کسی سے کوئی تکرار یا دشمنی تو نہیں ہوئی تھی۔پولیس 'ٹاور ڈمپ' یا 'کال ڈمپ' ٹیکنالوجی کا استعمال کر رہی ہے تاکہ یہ معلوم کیا جا سکے کہ واردات کے وقت اس علاقے میں کن بیرونی نمبروں سے رابطے کیے گئے۔ خدشہ ہے کہ قاتلوں کو دوسری ریاستوں سے ہدایات مل رہی تھیں۔

Source: PC-anandabazar