شوبھندو نےپہلے پوجا پھر وزیر اعلیٰ کا حلف اٹھایا

اسمبلی میں داخل ہونے سے پہلے جوتے اتار کر گھٹنوں کے بل جھک کر سلام۔ اس کے بعد اپنے کمرے میں پوجا۔ پھر مغربی بنگال کے وزیر اعلیٰ شبھیندو ادھیکاری نے اسمبلی میں حلف اٹھایا۔ وزیر اعظم نریندر مودی نے 2014 میں بھاری عوامی حمایت کے ساتھ جیتنے کے بعد پارلیمنٹ ہاوس میں داخل ہونے سے پہلے اسی طرح سلام کیا تھا۔ ٹھیک اسی طرح آج شبھیندو ادھیکاری نے گھٹنوں کے بل جھک کر سلام کیا۔انہوں نے ہفتہ کو وزیر اعلیٰ کے طور پر بریگیڈ میں حلف اٹھایا تھا۔ اب بدھ کو وزیر اعلیٰ شبھیندو ادھیکاری نے رکن اسمبلی (ایم ایل اے) کے طور پر حلف لیا۔ انہوں نے صبح 11 بجے کے کچھ دیر بعد حلف اٹھایا۔ پروٹیم اسپیکر تاپس رائے نے انہیں حلف دلایا۔ اس کے بعد نشیتھ ادھیکاری، اشوک کیرتنیا اور دیگر نے حلف اٹھایا۔ آج بدھ اور کل جمعرات کو دو دنوں کے دوران اسمبلی کے 290 ارکان حلف اٹھائیں گے۔وزیر اعلیٰ صبح ساڑھے 10 بجے کے قریب اسمبلی پہنچے۔ اس سے قبل شبھیندو ادھیکاری ریاست میں اپوزیشن لیڈر تھے، اب وہ بطور وزیر اعلیٰ اسمبلی گئے۔ پوری اسمبلی کو پہلے ہی سجا دیا گیا تھا اور سامنے کے راستے پر سرخ قالین بچھایا گیا تھا۔ اسمبلی میں گاڑی پہنچتے ہی دیگر بی جے پی ارکان نے وزیر اعلیٰ کا استقبال کیا۔ پیر کو شبھیندو ادھیکاری نبانّہ (سیکرٹریٹ) گئے تھے جہاں انہیں 'گارڈ آف آنر' دیا گیا تھا۔ آج اسمبلی میں بھی ریاست کے نئے وزیر اعلیٰ کو 'گارڈ آف آنر' پیش کیا گیا۔

Source: PC-sangbadpratidin