شبھیندو ادھیکاری نے ممتا بنرجی کی کرسی پر بیٹھنے سے انکار کردیا

ایک لکڑی کی کرسی! نئی حکومت کے دور میں اسمبلی میں اس کرسی کو لے کر بحث عروج پر ہے۔ اپوزیشن لیڈر کے کمرے میں وہ کرسی رکھی ہوئی ہے، جو اس کمرے کے لحاظ سے بالکل ناموزوں لگتی ہے۔ لیکن یہ کرسی کس کی ہے؟ بعد میں معلوم ہوا کہ اس کرسی پر سابقہ وزیر اعلیٰ ممتا بنرجی بیٹھا کرتی تھیں۔ تاہم، وزیر اعلیٰ شبھیندو ادھیکاری نے ممتا کی کرسی پر بیٹھنے سے انکار کر دیا ہے۔ وزیر اعلیٰ کی حیثیت سے ذمہ داری سنبھالنے کے بعد، شبھیندو ادھیکاری نے روایت توڑتے ہوئے اپنے ساتھ وہ جانی پہچانی کرسی لے آئے جسے وہ اپوزیشن لیڈر رہنے کے دوران استعمال کیا کرتے تھے۔ اس وقت اسمبلی میں وزیر اعلیٰ کے کمرے کی زینت شبھیندو کی وہی پرانی کرسی بنی ہوئی ہے۔ عام طور پر وزیر اعلیٰ کے کمرے میں ایک مخصوص نشست مختص ہوتی ہے، جو برسوں سے استعمال ہوتی آرہی ہے۔ لیکن وزیر اعلیٰ شبھیندو ادھیکاری نے اس روایت کے بجائے اپنی جدوجہد کے دنوں کی یادوں سے جڑی کرسی کو ترجیح دی ہے۔ دوسری طرف، سابق وزیر اعلیٰ ممتا بنرجی کے زیر استعمال رہنے والی کرسی کو فی الحال اسمبلی میں اپوزیشن لیڈر کے کمرے میں بھیج دیا گیا ہے۔

Source: PC-tv9bangla