شوبھندو ادھیکاری نے گھر جاکر متھن چکرورتی سے ملاقات کی

ہفتے کی صبح مغربی بنگال کے نئے وزیر اعلیٰ شبھیندو ادھیکاری نے سینئر اداکار اور بی جے پی لیڈر متھن چکرورتی کے نیو ٹاون میں واقع گھر جا کر ان سے ملاقات کی۔ وزیر اعلیٰ کا حلف لینے کے بعد متھن چکرورتی کے ساتھ ان کی یہ پہلی انفرادی ملاقات تھی۔ دونوں رہنماوں کے درمیان تقریباً ایک گھنٹے تک بات چیت ہوئی۔انہوں نے متھن چکرورتی کو ریاست میں تبدیلی اور بی جے پی کی جیت کا اصل "معمار" قرار دیا۔شبھیندو نے بتایا کہ ان کے وزیر اعلیٰ بننے کے پیچھے متھن چکرورتی کا بڑا ہاتھ ہے اور گزشتہ چھ سالوں سے متھن نے ریاست میں تبدیلی لانے کے لیے بے غرض محنت کی ہے۔متھن خود شبھیندو سے ملنا چاہتے تھے، لیکن شبھیندو نے احتراماً کہا، "آپ کیوں آئیں گے؟ آپ کا بنایا ہوا وزیر اعلیٰ آپ کے پاس آئے گا۔"شبھیندو نے خود کو 'مہاگرو' (متھن) کا مداح بتاتے ہوئے کہا کہ اگرچہ انہوں نے آٹھویں جماعت کے بعد کوئی فلم نہیں دیکھی، لیکن متھن چکرورتی کا مقام سب سے اوپر ہے اور وہ صرف ان کا تبرک اور آشیرواد لینے آئے ہیں۔شبھیندو کی بات سن کر وہ جذباتی ہو گئے اور انہیں گلے لگا لیا، ساتھ ہی شبھیندو کی جم کر تعریف کی۔ آنے والی 21 مئی کو فلتا میں دوبارہ پولنگ (ضمنی انتخاب) ہونی ہے۔ اس سے پہلے ضلع کی امن و امان اور مجموعی صورتحال کا جائزہ لینے کے لیے وزیر اعلیٰ وہاں کے افسران کے ساتھ میٹنگ کریں گے۔

Source: PC-anandabazar