شوبھندو ادھیکاری کی رہائش گاہ میں تبدیلی ، علی پور میں رہیں گے

مغربی بنگال کے نئے وزیر اعلیٰ کے طور پر حلف لینے کے بعد شوبھیندو ادھیکاری کی کولکتہ کی رہائش گاہ تبدیل ہونے جا رہی ہے۔ اب تک وہ اپوزیشن لیڈر کے طور پر کولکتہ میں ایک فلیٹ میں مقیم تھے، لیکن بطور وزیر اعلیٰ ان کا نیا مستقل پتہ علی پور کا ’سوجنیا‘ ہوگا۔ جنوبی کولکتہ کے معزز علاقے علی پور میں واقع یہ اسٹیٹ گیسٹ ہاوس اب وزیر اعلیٰ کی سرکاری رہائش گاہ ہوگی۔ اس عمارت کا افتتاح 2018 میں اس وقت کی وزیر اعلیٰ ممتا بنرجی نے کیا تھا۔ اسے بنیادی طور پر ملکی اور غیر ملکی وی وی آئی پی مہمانوں کے قیام کے لیے تعمیر کیا گیا تھا۔ وزیر اعلیٰ کے طور پر شوبھیندو ادھیکاری کی سیکیورٹی اب اعلیٰ ترین سطح (Z+ کیٹیگری) کی ہے۔ ان کے سابقہ فلیٹ میں سیکیورٹی کے اتنے بڑے انتظام اور انتظامی کاموں کے لیے جگہ کی کمی تھی۔سوجنیا‘ کی عمارت انتہائی محفوظ اور جدید ترین سہولیات سے آراستہ ہے۔ یہاں سے انتظامی میٹنگز اور سرکاری امور کی انجام دہی بہت آسان ہوگی۔’سوجنیا‘ کے گردونواح میں سیکیورٹی کے انتظامات کئی گنا بڑھا دیے گئے ہیں۔عمارت کو وزیر اعلیٰ کی رہائش کے قابل بنانے اور ضروری تبدیلیوں کے لیے محکمہ تعمیرات کے حکام مسلسل میٹنگز اور معائنے کر رہے ہیں۔شوبھیندو ادھیکاری نے 9 مئی کو وزیر اعلیٰ کے عہدے کا حلف لیا ہے۔ فی الحال وہ اپنے آبائی گھر کانتھی اور کولکتہ کے فلیٹ سے کام سنبھال رہے ہیں، تاہم سیکیورٹی اور انتظامی تیاریاں مکمل ہوتے ہی وہ علی پور کے اس نئے پتے پر منتقل ہو جائیں گے۔

Source: PC-tv9bangla