شوبھندو ادھیکاری کی حکومت نے گیارہ دنوںمیں 931لوگو ںکو گرفتار کیا

مئی کو وزیر اعلیٰ کے عہدے کا حلف لیتے ہی شبھیندو ادھیکاری نے بدعنوانی سے پاک بنگال کا وعدہ کیا تھا۔ جیسا کہا، ویسا کر کے دکھایا۔ وہ شروع ہی سے مضبوطی کے ساتھ بنگال کی باگ ڈور سنبھالنے کی کوشش کر رہے ہیں۔ بدعنوانی کو جڑ سے اکھاڑ پھینکنے کے لیے جو بھی اقدامات ضروری ہیں، وہ اٹھائے جا رہے ہیں۔ ریاست بھر میں پولیس اور مرکزی تفتیشی ایجنسیوں کی تلاشی مہم شروع ہو چکی ہے۔ سابق وزیر سے لے کر بلاک سطح کے رہنما تک، اگر کسی کے خلاف شکایت ہے تو حکومت کسی کو بھی رعایت نہیں دے رہی ہے۔ اعداد و شمار بتاتے ہیں کہ حکومت کی تشکیل کے ۱۱ دنوں میں بدعنوانی سمیت متعدد مقدمات میں کل ۱۳ افراد کو گرفتار یا حراست میں لیا گیا ہے۔ دیوراج چکرورتی، راجار ہاٹ-گوپال پور کی سابق ایم ایل اے ادیتی منشی کے شوہر ہیں۔ وہ ترنمول کانگریس کے ایم پی ابھیشیک بنرجی کے انتہائی قریبی رہنما مانے جاتے ہیں۔ ان کے خلاف انتخابات کے بعد ہونے والے تشدد، قتل اور بدعنوانی سمیت کئی سنگین الزامات ہیں۔ سننے میں آ رہا ہے کہ انتخابی نتائج کے اعلان کے بعد ہی سے وہ فرار تھے۔ منگل کے روز انہیں ایک خفیہ ٹھکانے سے حراست میں لیا گیا ہے، حالانکہ انتظامیہ کی جانب سے ابھی تک اس بارے میں واضح طور پر کچھ نہیں بتایا گیا ہے۔

Source: PC-anandabazar