انتخابات سے پہلے ترنمول کے دونوں لیڈروں کے درمیان تنازع انتہا کو پہنچ گیا ہے۔ ترنمول لیڈر کنال گھوش نے ایم پی پر بدعنوانی کا براہ راست الزام لگایا۔ سدیپ بنرجی شاردا کیس میں گرفتاری کے بعد بھونیشور کے ایک نجی اسپتال میں زیر علاج تھے۔ کنال گھوش نے سوال اٹھایا کہ اس وقت اسپتال کا بل کس نے دیا؟ کنال کو یہ بھی لگتا ہے کہ اس معاملے کی جانچ کے لیے ای ڈی اور سی بی آئی کی طرف سے جانچ کرانا ضروری ہے۔ کنال گھوش نے جمعہ کو پارٹی کے کئی عہدوں سے استعفیٰ دے دیا۔ اسی وقت کنال اورسدیپ کاتنازعہ سامنے آیا۔کنال نے مطالبہ کیا کہ سدیپ بنرجی کا بینک اکاو¿نٹ چیک کیا جائے۔ ایکس کے ذریعے پوسٹ کر کے کنال نے سوال اٹھایا کہ اسپتال کا پیسہ کس کا ہے؟ ان کا خیال ہے کہ اس کی تحقیقات ہونی چاہیے۔ ترنمول لیڈر نے الزام لگایا کہ اسپتال کی بھاری قیمت سدیپ بنرجی نے ادا کی یا کسی اور نے، اس کی جانچ ہونی چاہیے۔ کنال کا دعویٰ ہے کہ اگر الزامات درست ثابت ہوتے ہیں تو سدیپ بنرجی کو گرفتار کیا جانا چاہیے۔ کنال نے یہ اشارہ بھی دیا کہ سدیپ کا تعلق کوئلہ کرپشن سے ہوسکتا ہے۔ کنال گھوش نے یہ بھی دعویٰ کیا کہ اگر جانچ ایجنسی اس تحقیقات میں جوش نہیں دکھاتی ہے تو وہ عدالت جائیں گے۔ پچھلے کچھ دنوں سے، کنال گھوش نے ایکس میڈیم پر ایک کے بعد ایک پوسٹ کیا ہے۔

Source: Mashriq News service