اسٹرینڈ روڈ سے بڑے پیمانے پر اسلحہ اور کارتوس بر آمد

انتخابات سے قبل کولکتہ میں پولیس کی اسپیشل ٹاسک فورس کو ایک بڑی کامیابی ملی ہے۔ اسٹرینڈ روڈ کے علاقے سے بہار کے ایک نابالغ کے قبضے سے متعدد اسلحہ اور کارتوس برآمد ہوئے ہیں۔ بدھ کی دوپہر اسٹرینڈ روڈ پر ایک پبلک ٹوائلٹ کے قریب سے 17 سالہ نابالغ کو حراست میں لیا گیا۔ تلاشی کے دوران اس کے قبضے سے درج ذیل اشیاءبرآمد ہوئیں:جن میں 3 دیسی ساختہ پستول اور 2 عدد 7 ایم ایم پستول شامل ہیں۔18 عدد 8 ایم ایم کارتوس اور 22 عدد 7.65 ایم ایم کارتوس۔زیر حراست نابالغ کا تعلق بہار کے ضلع نالندہ سے ہے۔ ابتدائی تحقیقات میں پولیس کا اندازہ ہے کہ ان ہتھیاروں کا ذریعہ بہار کی کوئی غیر قانونی فیکٹری ہو سکتی ہے۔ لال بازار کے جاسوس اس بات کی تحقیقات کر رہے ہیں کہ انتخابات سے عین قبل یہ نابالغ اتنی بڑی مقدار میں اسلحہ لے کر کیوں گھوم رہا تھا اور یہ کسے فراہم کیے جانے تھے۔ نابالغ کے جوابات میں تضاد پائے جانے کی وجہ سے اس سے پوچھ گچھ جاری ہے۔انتخابات سے پہلے کولکتہ میں اسلحہ اور نقدی کی برآمدگی کے واقعات میں اضافہ ہو رہا ہے:گزشتہ اتوار کو ٹالی گنج میں ایک گاڑی سے لاکھوں روپے برآمد ہوئے تھے۔منگل کو شہر کے مختلف حصوں سے پولیس نے تقریباً 57 لاکھ روپے برآمد کیے تھے۔اب اسٹرینڈ روڈ سے اسلحہ کی برآمدگی کے بعد سیکیورٹی مزید سخت کر دی گئی ہے۔پولیس کا ماننا ہے کہ یہ ہتھیار انتخابات سے قبل بدامنی پھیلانے کے مقصد سے شہر میں لائے گئے ہو سکتے ہیں۔

Source: PC-anandabazar