اسٹیٹ جوائنٹ انٹرنس امتحان میں کولکاتا کا شاشوت ٹاپ پر

امتحان کے صرف 25 دنوں بعد ریاستی مشترکہ داخلہ امتحان کا نتیجہ جاری۔ میرٹ لسٹ میں بالکل پہلے نمبر پر کولکاتہ کے شاشوت بنرجی ہیں۔ اس کے علاوہ میرٹ لسٹ میں دیگر اضلاع کے کئی طلبائ شامل ہیں۔ اس ماہ کے آخر میں کاونسلنگ شروع ہو سکتی ہے۔ پہلا – شاشوت بنرجی (سالٹ لیک) – نالندہ اکیڈمی دوسرا – سوریدھ مَنڈل (بشنو پور) – وویکانند مشن اسکول، جوکا تیسرا – امانگ بھوت (رانی گنج) – پورب انٹرنیشنل اسکول چوتھا – راہول کونار (نیو ٹاون) – دلی پبلک اسکول پانچواں – سروان بھٹاچاریہ (بیج پور) – گارڈن ہائی اسکول چھٹا – آرہا بھٹاچاریہ (چندرکونا) – چندرکونا جیراٹ ہائی اسکول ساتواں – سرجن شور (شیو پور) – ساوتھ پوائنٹ ہائی اسکول آٹھواں – منیش سیناپتی (کوتوالی، مغربی مدنی پور) – مدنی پور کالجیٹ اسکول نواں – سبھیاساچی لاسکر (سونار پور) – بی ڈی ایم انٹرنیشنل دسواں – دیوجیت پال (بالی گنج) – ساوتھ پوائنٹ ہائی اسکول واضح رہے کہ ریاست کی مختلف یونیورسٹیوں اور تعلیمی اداروں میں انجینئرنگ، ٹیکنالوجی، فارمیسی اور آرکیٹیکچر میں انڈر گریجویٹ سطح پر داخلہ اس امتحان کے ذریعے حاصل کیا جا سکتا ہے۔ گزشتہ 24 مئی کو ریاست میں مشترکہ داخلہ امتحان ہوا تھا۔ رجسٹریشن کرانے والے طلبائ کی تعداد 1 لاکھ 20 ہزار 856 تھی۔ امتحان دینے والے 94 ہزار 901 تھے۔ ان میں لڑکے 67 ہزار 378، لڑکیاں 27 ہزار 521 اور 2 تیسری جنس کے تھے۔ میرٹ لسٹ میں 92 ہزار 73 طلبائ شامل ہیں۔ کل 267 مراکز پر امتحان ہوا، جن میں سے 264 مراکز بنگال میں، تریپورہ میں 2 اور آسام میں 1 مرکز پر امتحان لیا گیا۔ امتحان کی شفاف اور منصفانہ انجام دہی کے لیے سخت سیکیورٹی انتظامات کیے گئے تھے۔ امتحانی مراکز میں موبائل فون، کیلکولیٹر، سمارٹ واچ، بلوٹوتھ ڈیوائسز سمیت تمام قسم کے الیکٹرانک گیجٹس مکمل طور پر ممنوع تھے۔ اس بار یہ تمام سخت قوانین کے تحت امتحان ہوا۔

Source: PC-sangbadpratidin