ریاستی حکومت کے حالیہ عبوری بجٹ میں کئی عوامی فلاحی اعلانات کیے گئے

کولکاتا5 فروری :ریاستی حکومت نے جو عبوری بجٹ پیش کیا ہے ا س میں لکشمی بھنڈار کے تحت عام اور محفوظ دونوں زمروں کے لیے ماہانہ بھتے میں 500 روپے کا اضافہ کیا گیا ہے۔ یہ فروری کے مہینے سے نافذ ہوگا۔اسی طرح سرکاری ملازمین کے لیے 4 فیصد ڈی اے میں اضافے کا اعلان کیا گیا ہے۔سیوک والینٹیئرز اور گرین پولیس کی ماہانہ تنخواہ میں 1000 روپے کا اضافہ کیا گیا ہے۔ اس کے لیے کل 150 کروڑ روپے مختص کیے گئے ہیں۔آشا ورکرز، آنگن واڑی ورکرز اور معاونین کے لیے ماہانہ بھتے میں 1000 روپے کا اضافہ کیا گیا ہے۔ان کے بھتے میں بھی 1000 روپے اضافے کا اعلان کیا گیا ہے۔آن لائن ڈیلیوری یا ایپ پر مبنی کام (Gig Economy) سے وابستہ افراد کو 'سواستھ ساتھی' اسکیم کے تحت لایا جائے گا۔ آنگن واڑی ورکرز اور معاونین کی موت کی صورت میں ان کے خاندان کو 5 لاکھ روپے معاوضہ دیا جائے گا۔ ریاست میں 6 صنعتی اور اقتصادی راہداریاں (Corridors) بنائی جائیں گی ۔چھوٹی اور درمیانی صنعتوں کے لیے 5 نئے انڈسٹریل پارکس بنائے جائیں گے۔باروئی پور میں ایک 'کلچرل سٹی' تعمیر کی جائے گی۔بجٹ تقریر کے دوران اسمبلی میں تلخ کلامی بھی ہوئی۔ وزیر خزانہ چندریما بھٹاچاریہ نے جب وزیر اعلیٰ کی لکھی ہوئی نظم پڑھی، تو شبھیندو ادھیکاری نے اس پر طنز کیا۔ چندریما نے جوابی طور پر انہیں خاموش رہنے کو کہا۔ تقریر کے آخر میں 'جے بنگلہ' کے نعرے بھی لگائے گئے۔

Source: PC- tv9bangla