ساوتھ پوائنٹ اسکول کے فنڈز میں خورد برد کے معاملے میں ای ڈی (ED) متحرک

ساوتھ پوائنٹ اسکول کے فنڈز میں خورد برد کے معاملے میں ای ڈی (ED) متحرک مرکزی ادارے انفورسمنٹ ڈائریکٹوریٹ (ای ڈی) نے ساوتھ پوائنٹ اسکول کے فنڈز میں ہیرا پھیری کے ملزم کرشن دامانی کی 18 کروڑ 50 لاکھ روپے کی جائیداد کو 'ابتدائی طور پر ضبط' (اٹیچ) کر لیا ہے۔ بیان میں کہا گیا ہے کہ ای ڈی کے کولکتہ زونل آفس نے منی لانڈرنگ کی روک تھام کے قانون (PMLA) کے تحت یہ کارروائی کی ہے۔ ای ڈی کی جانب سے جاری کردہ اعلامیے کے مطابق، تحقیقات میں یہ بات سامنے آئی ہے کہ ملزم کرشن دامانی 'ساوتھ پوائنٹ ایجوکیشن سوسائٹی' کے کم از کم 20 کروڑ روپے کے غبن میں ملوث ہے۔ مرکزی ادارے نے واضح کیا ہے کہ یہ کارروائی کولکتہ پولیس کی جانب سے درج کی گئی ایف آئی آر کی بنیاد پر کی گئی ہے۔ کرشن پر الزام ہے کہ وہ اپنی کمپنی کے لوگوں کو اسکول میں بھرتی کرتا تھا۔ وہ کم ملازمین سے کام لے کر کاغذات میں زیادہ ملازمین دکھاتا تھا اور اس طرح اسکول کی رقم ہڑپ کر لیتا تھا۔ وہ رقم غیر قانونی طور پر اپنی کمپنی اور قریبی لوگوں کے اکاونٹس میں منتقل کر دی جاتی تھی۔

Source: Social Media