جنوبی بنگال میں گرج چمک کے ساتھ بارش کا سلسلہ شروع ہونے کا امکان

جنوبی بنگال میں شدید گرمی اور ہیٹ ویو (لو) کے درمیان علی پور محکمہ موسمیات نے راحت کی پیش گوئی کی ہے۔ ہفتہ کے آخر سے جنوبی بنگال میں گرج چمک کے ساتھ بارش کا سلسلہ شروع ہو جائے گا، جس سے کولکتہ بھی سیراب ہوگا اور درجہ حرارت میں نمایاں کمی آنے کا امکان ہے۔ ہفتہ سے ہی جنوبی بنگال کے مختلف حصوں میں راحت کی بارش شروع ہو سکتی ہے۔کولکتہ اور اس کے گرد و نواح کے اضلاع میں اتوار سے کالبیساکھی (آندھی اور بارش) کا امکان ہے۔یہاں گرج چمک کے ساتھ بارش اور ۴۰ سے ۵۰ کلومیٹر فی گھنٹہ کی رفتار سے ہوائیں چل سکتی ہیں۔درج ذیل اضلاع میں ہوا کی رفتار ۶۰ کلومیٹر تک پہنچ سکتی ہے: شمالی ۲۴ پرگنہ، مغربی مدنا پور، جھاڑگرام، پورولیا، بانکورہ، مشرقی اور مغربی بردھوان، بیربھوم، مرشد آباد اور نادیہ۔جنوبی بنگال کے تمام علاقوں میں آندھی اور بارش کا یہ سلسلہ آنے والے جمعرات تک جاری رہنے کی توقع ہے۔خراب موسم کے پیش نظر سمندر میں بھی الرٹ جاری کر دیا گیا ہے۔گزشتہ چند دنوں سے مغربی اضلاع میں جاری شدید گرمی کی لہر کے بعد، یہ موسمی تبدیلی عام لوگوں کے لیے بڑی راحت ثابت ہوگی۔ تاہم، گرج چمک کے دوران لوگوں کو محتاط رہنے کا مشورہ دیا گیا ہے۔

Source: PC-anandabazar